金園茶餐廳

Open Now

Now Closed

岩岩寫完華南冰室我決家寫埋我最喜愛既茶記「金園茶餐廳」位於青山道，保安道街市附近。其實唔係好顯眼，不過都好。星期六日已經要排隊，再紅既話我真係唔洗食！其實呢一間既蛋撻同西多士都係頂級，不過我冇圖所以直接介紹特餐算。特餐🌟🌟🌟🌟🌟（滿分）沙爹牛肉麵+餐包+火腿奄列基本上就算拆開每一樣野都係滿分。餐包，自家製的鬆軟，有包味，熱辣辣。火腿奄列呢個係我最迷惑既地方，因為佢有一種好獨特既味好似用火燒過既味咁（知咩味既麻煩講我知）外面係脆脆地，入面係流心到底點樣可以整到咁？真係冇得輸！沙爹牛肉麵一個好既沙爹牛面、湯底一定唔可以係普通雞粉湯。當然金園既都係有誠意既忌廉雞湯！沙爹牛肉就比較Creamy既感覺唔同一般茶記比較「水」，以前都食過一個加左花生醬既沙爹牛都有呢個口感、但金園既冇花生醬味，同時都有呢個口感。返食指數 100/10 （其實我都返食左好多次）冇記錯係星期四休息有一兩次撞正休息，心都噏埋。