Video
Read full review
2018-05-29
63 views
最強玉子遇上最強叉燒人食拉麵我食拉麵，原來要求可以好唔一樣，朋友仔話一定要黎試呢一間嘅湯底，佢話係日本好出名好好好好好味，有魚有雞有海鮮味道好鮮甜，我自己係老土人，食親都係要豬骨湯底，今日一試果然有有意外驚喜！鋪頭細細大概有20幾個座位，鍾意佢圍住個廚房，可以睇住師傅點樣煮麵，最特別嘅係佢有一部外國攞嚟切火腿嘅機器，佢哋係攞嚟切叉燒包！搞到我對佢哋嘅叉燒好期待！睇完餐牌我哋決定叫兩個面同埋貪心啲一個小食。鹽味味玉叉燒拉麵 - 貪心地叫咗有四片叉燒同埋流心蛋嘅組合，呢個湯底最特別嘅地方係用咗外國嘅岩鹽，我哋兩個人一人食半碗自己嘅湯底，最神奇嘅係，明明兩個湯底應該係一樣嘅，但係出嚟嘅風格完全唔同，超級驚喜！鹽味湯底湯頭好清，識到有一個好特別嘅味道，原來係橄欖！佢哋係個湯入邊加左一啲橄欖碎，令到個味道好fushion！最鍾意佢嗰個芽菜，大大啖面夾入口，口感好豐富！味噌味玉叉燒拉麵 - 真係太貪心根本就唔應該叫四片叉燒，根本就食唔晒，不過我超鍾意佢呢個湯底，最特別嘅係佢加左好多紫洋蔥碎，仲有好多芽菜同埋粟米粒，將所有配料搞完入口大大啖好辛辣，味噌味好香好濃，越辛辣越想食快啲！佢哋嘅叉燒真係有我
人食拉麵我食拉麵，原來要求可以好唔一樣，朋友仔話一定要黎試呢一間嘅湯底，佢話係日本好出名好好好好好味，有魚有雞有海鮮味道好鮮甜，我自己係老土人，食親都係要豬骨湯底，今日一試果然有有意外驚喜！
鋪頭細細大概有20幾個座位，鍾意佢圍住個廚房，可以睇住師傅點樣煮麵，最特別嘅係佢有一部外國攞嚟切火腿嘅機器，佢哋係攞嚟切叉燒包！搞到我對佢哋嘅叉燒好期待！睇完餐牌我哋決定叫兩個面同埋貪心啲一個小食。
鹽味味玉叉燒拉麵 - 貪心地叫咗有四片叉燒同埋流心蛋嘅組合，呢個湯底最特別嘅地方係用咗外國嘅岩鹽，我哋兩個人一人食半碗自己嘅湯底，最神奇嘅係，明明兩個湯底應該係一樣嘅，但係出嚟嘅風格完全唔同，超級驚喜！鹽味湯底湯頭好清，識到有一個好特別嘅味道，原來係橄欖！佢哋係個湯入邊加左一啲橄欖碎，令到個味道好fushion！最鍾意佢嗰個芽菜，大大啖面夾入口，口感好豐富！
味噌味玉叉燒拉麵 - 真係太貪心根本就唔應該叫四片叉燒，根本就食唔晒，不過我超鍾意佢呢個湯底，最特別嘅係佢加左好多紫洋蔥碎，仲有好多芽菜同埋粟米粒，將所有配料搞完入口大大啖好辛辣，味噌味好香好濃，越辛辣越想食快啲！
佢哋嘅叉燒真係有我塊面咁大，最正嘅係佢冇我塊面咁油！叉燒真係做得好清爽，好少人會用清爽去形容一塊豬肉叉燒，但係佢真係好好味，唔知點解我真係覺得佢哋雖然係日本拉麵店，但係所有味道都好有外國嘅特色，包括呢一塊做得咁有外國風味嘅叉燒！
隻蛋就真係冇得頂！我夠膽話我會為咗佢隻蛋再返嚟，流心就不在話下，滷水味道啱啱好，重帶有少少酒香！連平時唔食蛋嘅朋友都獨吞左一隻蛋！
我想讚下佢哋嘅麵，原來佢哋嘅面比起其他拉麵嘅店做得更加爽口，好香麵粉嘅味道，原本我以為兩碗面嘅麵條都係一樣，後尾我發覺原來一碗個麵係粗啲一碗個麵係幼啲，我八卦問咗個店員，原來佢哋會因為唔同湯底吸收湯汁嘅程度去決定用粗麵定係幼麵，因為佢哋怕客人食得慢會令到個面收太多湯汁變林左，鍾意佢哋夠細心！
炙燒骰子肉 - 一啖一大粒，豬肩肉燒完入口一啲都唔肥，加埋一個酸味味嘅醬汁同埋大量新鮮嘅日本葱，清爽好味，＄28有好多粒，我哋兩個人飽到都食唔晒。
最後要讚下佢哋杯麥茶，我哋叫咗一杯熱嘅兩份飲，因為見佢可以無限添飲，店員見我哋叫咗就介紹多一句，原來係佢哋自己每日新鮮煲嘅，個麥茶煲得好香好濃郁，入口好舒服！
兩個人飽到捧住個肚都係三百幾蚊，下次黎唔好咁貪心叫個少啲叉燒嘅份量，貪心啲加多隻蛋，再加多杯凍麥茶！
Post
