Video
Read full review
2015-09-13
1061 views
星期日如常留在灣仔，午飯時間來到平時常滿座的金記。點了茶餐，相對我平時的午餐價錢，十分相宜，來茶餐廳，深知要求不可太多，我都是抱住填飽個肚的心態。對面搭枱坐著兩個女子，都是和我一齊從同一地方放午飯時間來午餐的。我坐下不久就落單，對面的兩個女子，其中一人以高八度聲線大聲說剛才抹枱的布有一陣異味，搞到張枱好臭。吓？你以為自己坐在甚麼高級餐廳嗎？ 咁高貴唔好嚟茶餐廳啦。最怕呢啲人，又要茶餐廳，又要酒店餐廳質素，最難頂。之後兩個女子落單，我聽到其一人點的餐同我一樣。佢地落完單兩秒，火腿通上桌，那個同我點了一樣餐的女子二話不說即時將它移到自己面前即時吃下，我心諗：係人都識禮貌上問一問係咪同枱的其他食客啦，以為只有自己點呢個餐？仲要佢落完單兩秒火腿通已經到，用下個腦就知唔係佢架啦！ 此時我冇出聲，因為基本上火腿通一黎到，佢已經9秒9食緊，而且以茶餐廳的速度，下一個火腿通都應該好快到。不過再十秒之後幫佢地落單的侍應返來俾番張單佢地，見到佢已經食緊個火腿通，就同佢講＂單都未落，你就有得食？個火腿通人地架。＂此時此女子一句唔好意思都無，繼續食。難道來茶餐廳，遇到正常一點的食客已是萬幸？香港越來越多奇怪的
點了茶餐，相對我平時的午餐價錢，十分相宜，來茶餐廳，深知要求不可太多，我都是抱住填飽個肚的心態。
對面搭枱坐著兩個女子，都是和我一齊從同一地方放午飯時間來午餐的。我坐下不久就落單，對面的兩個女子，其中一人以高八度聲線大聲說剛才抹枱的布有一陣異味，搞到張枱好臭。吓？你以為自己坐在甚麼高級餐廳嗎？ 咁高貴唔好嚟茶餐廳啦。最怕呢啲人，又要茶餐廳，又要酒店餐廳質素，最難頂。之後兩個女子落單，我聽到其一人點的餐同我一樣。佢地落完單兩秒，火腿通上桌，那個同我點了一樣餐的女子二話不說即時將它移到自己面前即時吃下，我心諗：係人都識禮貌上問一問係咪同枱的其他食客啦，以為只有自己點呢個餐？仲要佢落完單兩秒火腿通已經到，用下個腦就知唔係佢架啦！ 此時我冇出聲，因為基本上火腿通一黎到，佢已經9秒9食緊，而且以茶餐廳的速度，下一個火腿通都應該好快到。不過再十秒之後幫佢地落單的侍應返來俾番張單佢地，見到佢已經食緊個火腿通，就同佢講＂單都未落，你就有得食？個火腿通人地架。＂此時此女子一句唔好意思都無，繼續食。
難道來茶餐廳，遇到正常一點的食客已是萬幸？香港越來越多奇怪的人。
講番食物，茶餐廳來說不錯，39元的一個茶餐，如之前所說，我不會有太多要求。
煎雙蛋 - 標準，茶餐廳來說，無蛋殼已經不錯。
火腿通份量算多，最怕茶餐廳一些太鹹的通粉，這個湯底不算鹹。
檸茶水準差了一點，有苦澀味。Post
