有料案內所 (井財街)

Open Now

Now Closed

第二次黎朝聖，都係食返好評嘅窩夫🧇。今次叫咗特別嘅珍珠奶茶窩夫，材料好豐富，唔只窩夫咁簡單，一次過滿足多個願望。首先有奶茶雪糕，味道似台式奶茶，比較甜。同上次嗰個灸燒焦糖布丁窩夫唔同，窩夫今次切開咗4件，排得靚靚仔仔。窩夫上有重茶味嘅cream，cream好細滑。由於cream唔會過份甜，食落唔會太膩，好味到每一細件窩夫都要點晒啲cream。半碟仲有紅豆蓉、珍珠同埋三色芋圓。本身對護院冇大期望因為唔係主角，但佢嘅芋圓絕對唔馬虎，分別好重地瓜、芋頭味，唔會只係好似食到一舊冇味嘅粉。紅豆蓉本身甜，所以覺得配埋窩夫食嘅話就太甜，有可有可無嘅感覺。而珍珠口感就正常發揮。一齊行山嘅同學就叫咗店舖抹茶紅豆刨冰🍧，分量大得驚人。佢有啲後悔落得唔夠多煉奶，但整體好評。