打邊爐

Open Now

Now Closed

雖然天氣好熱，但間唔中都會想去打邊爐，今次就去咗呢間打邊爐度打邊爐。-聽聞呢間嘅嘢飲都係自家製，我地就嗌咗檸檬薏米水同竹蔗茅根，飲落都幾冰凍解渴。-跟住熟食就嗌咗啲風沙椒鹽粟米同涼拌木耳，佢哋嘅風沙椒鹽粟米都好入味而且唔會太咸，加上天氣熱嘅時候食返個涼拌木耳都幾涼爽-而打邊爐嘅湯底我地就嗌咗杏仁豬肺湯湯底十分足料，我地食之前都飲咗幾碗，而且豬肺都洗得好乾淨，食返幾舊以形保形-跟住就有兩款餃，雖然湯底唔係皮蛋芫茜味，但都可以食呢個皮蛋芫茜餃，芫茜味好重-跟住丸就嗌咗流沙蝦丸，而特別想講嘅係梅菜豬肉丸，佢個梅茶烚完之後都好入味，好似食緊梅菜扣肉丸咁-而其他配菜就嗌咗芝士丸同廣島蠔，雖然係急凍廣島蠔，但烚熟咗之後，都食到佢嘅鮮味，鍾意食蠔嘅都可以嗌-而蔬菜盤就咩菜都有，白菜仔、油麥菜、唐生菜咩都有。