樂天皇朝 (東薈城名店倉)

Open Now

Now Closed

樂天皇朝～大家都唔會陌生，中菜總是百吃不厭。行過路過，唔想錯過➰➰好耐冇食過😮‍💨入開東涌 梗係入嚟嘆吓茶 食個包啦😋麻辣小籠包（6隻）之前食過八色小籠包，最愛川味。所以今次單點吃個夠😆川味十足，麻辣鮮香！竹炭流沙包濃濃嘅鹹蛋黃味超香，流沙效果唔錯，鹹鹹香香好惹味！😋瑤柱芙蓉賽螃蟹🦀️呢個係每次都會必點嘅菜式，蛋白炒得好嫩滑有水準，瑤柱絲、蛋黃 令淡味嘅蛋白增加風味同口感。豬骨湯年糕煙煙韌韌嘅年糕，吸咗豬骨湯嘅味道，鮮味得嚟又唔會好鹹，仲有啲肉絲、鮮菇、紹菜。作為主菜，唔想食炒粉麵飯咁肥膩，呢個係唔錯嘅選擇。桂花酒釀丸子有淡淡桂花嘅香氣，感覺好清新唔會好甜。宮廷爐打滾個名好特別🫣原來係北京著名小吃，我都係第一次食咋，雖然係紅豆餡，冇想像中咁甜，外面沾上黃豆粉，食落非常軟糯香甜。