我愛慢煮 (普慶坊) (Closed)

我愛慢煮 siuhahah今日嚟到上環半山 《我愛慢煮》， 餐廳環境幾有情調，室內燈光柔和加埋啲輕快音樂， 成個心情都放鬆哂，食物質素好，以為食慢煮會貴啲原來價錢都幾抵食。蝦仁芒果沙律 $88先嚟個沙律開下胃先，沙律汁酸酸甜甜配埋 彈牙蝦仁，爽脆沙律菜，甜到爆嘅芒果，真係一個好嘅開始。秘製保濕豬鞍架 8z $138慢煮豬鞍非常嫩滑，軟腍多汁， 豬鞍外層煎得香脆可口，慢煮有助保留肉汁，肉味濃厚，回味無窮👍🏼😁 另外加咗香煎鵝肝，入口即溶質感幼滑，非常邪惡呀😈黑松露慢煮溫泉蛋 $28溫泉蛋嫩滑可口配埋黑松露食非常美味。熱情果特飲 $42夏天首選，熱情果味道清爽酸甜， 非常解暑蝶豆花薄荷特飲 $42蝶豆花嘅夢幻紫色真係好靚❤️ 哩杯薄荷特飲 非常清新消暑。