Video
Read full review
2015-11-18
682 views
食完正餐行緊番西鐵站，朋友心思思想食個甜品，就帶朋友去左呢間係西鐵站附近既甜品舖滿足下佢。今次已經係再次黎呢間甜品舖，貪佢D款式夠新奇，唔會食黎食去都係綿綿冰同西米露咁悶。朋友ORDER左個EARL GREY CREME BRULEE配雲尼拿雪糕，我就挑戰新奇ORDER左個星星‧月亮‧太陽。先講個EARL GREY CREME BRULEE$50,始終可能EARL GREY TEA本身都唔係太濃味既茶，所以個CREME BRULEE最初味道唔太特別，但慢慢食就有陣陣茶香出左黎，同埋可能茶GE 關係，食完一大碟都唔漏，配埋雪糕整體可以一試，下次再試其他味道先。至於星星‧月亮‧太陽呢$68 就真係幾驚喜，因為一次過就可以滿足哂三個願望。首先星星就係楊枝甘露配一D星星啫哩粒，楊枝甘露入面既果肉同柚肉都好足料，亦唔係溝左大量糖水得個甜字，唔錯。至於月亮同太陽分別就係芒果醬芒果雪糕同埋芒果拿玻侖，雪糕配個芒果醬又無想象中咁甜，拿玻侖中間既酥皮層做得脆口，果肉食得出新鮮又足料，吉士醬亦都唔會太過甜膩。一個甜品食到三種口感三種口味，每一款都係處理得恰到好處，抵食！而且岩晒選擇困難GE我！而且見佢都有
食完正餐行緊番西鐵站，朋友心思思想食個甜品，就帶朋友去左呢間係西鐵站附近既甜品舖滿足下佢。
今次已經係再次黎呢間甜品舖，貪佢D款式夠新奇，唔會食黎食去都係綿綿冰同西米露咁悶。朋友ORDER左個EARL GREY CREME BRULEE配雲尼拿雪糕，我就挑戰新奇ORDER左個星星‧月亮‧太陽。
先講個EARL GREY CREME BRULEE$50,始終可能EARL GREY TEA本身都唔係太濃味既茶，所以個CREME BRULEE最初味道唔太特別，但慢慢食就有陣陣茶香出左黎，同埋可能茶GE 關係，食完一大碟都唔漏，配埋雪糕整體可以一試，下次再試其他味道先。
至於星星‧月亮‧太陽呢$68 就真係幾驚喜，因為一次過就可以滿足哂三個願望。首先星星就係楊枝甘露配一D星星啫哩粒，楊枝甘露入面既果肉同柚肉都好足料，亦唔係溝左大量糖水得個甜字，唔錯。至於月亮同太陽分別就係芒果醬芒果雪糕同埋芒果拿玻侖，雪糕配個芒果醬又無想象中咁甜，拿玻侖中間既酥皮層做得脆口，果肉食得出新鮮又足料，吉士醬亦都唔會太過甜膩。一個甜品食到三種口感三種口味，每一款都係處理得恰到好處，抵食！而且岩晒選擇困難GE我！
而且見佢都有推出新款甜品，可惜食緊先見到，唯有下次試啦！
最後重點始終都係所有甜品都係即叫即整，去開元朗又想食甜品GE話，推介大家去試試！
Post
