老厝邊

Open Now

Now Closed

老厝邊原來新開左係公司附近，第一時間黎幫襯，試下味道。呢間午市有滷肉大碗公系列，選擇都幾多，而且仲可以加飲品和小食。我就好專一，又係食返招牌牛三寶麵。紅燒牛肉麵的湯底濃郁香醇帶微辣，加埋酸菜，飲落更有層次，。牛三寶的牛肚，牛筋，牛𦟌肉的份量很多。牛𦟌超厚切，燜到好入味，帶還有點咬口。牛筋軟腍，幾乎入口即溶。仲有白蘿蔔，食落冇渣好清甜。牛肉麵較幼身，但都幾彈牙，又夠掛湯。飲品揀左仙草凍鮮牛奶，仙草滑溜溜，微糖都帶有蜂蜜的香氣，飲落負擔不大。餐廳同其他分店的水準一致，下次一定再幫襯。