新大壽日本料理店 (Closed)

原來一直無對新大壽寫過任何食評，有懊悔！光顧左3年多4年，耐唔耐都會去，全因食物種類唔少、有d係家庭風味、雖沒有靚靚裝修，但有著一份簡單及親切，豐劍由人。 准山漬：准山係有益食物，質感爽脆，炒得入味兼帶輕微辣味及灑上芝麻，每次必食前菜。 海膽壽司：有北海道或普通海膽任君選擇，但個人覺得比貴$20都要食北道既，味道香濃得多。 雞泡魚乾：燒得太乾，是晚失準之作。 串燒牛脷：剛剛相反，好似無麥燒過，缺乏香味之餘，牛脷太簿，缺質感，是晚失準之二。 板壓靖魚壽司：靖魚加醋醃制過，酸酸既，夏天必食醒胃菜！今次有新意思，多左一舊少甜糕點，面上有士多啤梨汁。酸靖魚加上少甜糕點變成味覺新刺激，好正！ 小池魚南蠻漬：第一次食，湯底尤其清香，感覺新鮮。 餃子：自家制，每隻餃子都包得非常飽滿，皮軟，內裡絶大部份係菜，只有好少量肉碎，食落好 juicy，係個人認為係暫時食過既日本餃子中最好味既，所以每次必食。 軟殼蟹牛油果壽：無諗過果份量咁大，好似一條肥毛虫咁。賣相可愛，味道ok！服務：親切，友善。但不要期望純日本式既禮節，因為服務員全部都係香港人，相對偏向港式。環境：簡單、沒有漂亮既裝潢，但平凡正係佢既特式。