餃掂手工餃子雲吞專門店

本身同屋企人都鍾意食餃子，喺寶琳行街行到咁上下，就嚟咗餃掂食晚餐。餃子口味有不同選擇，有素餃、豬肉餃、牛肉餃，仲有其他小食同手工麵食，任君選擇。元貝豬肉煎餃煎餃底面都係煎到金黃色，皮薄酥脆，餡料飽滿，豬肉肉質紮實新鮮，食到元貝一梳梳既口感，幾鮮味。松茸素餃我哋揀咗灼既，食到素菜既鮮甜味， 蔬菜口感爽脆，松茸味道清香。香煎軟心芝士餃個人最中意呢隻口味，芝士味道香濃，半溶嘅芝士加埋爽甜粟米，味道好夾，建議要趁熱食，擺耐咗芝士會凝固。四川涼麵涼麵係幼身既，質感比較有咬口，幾掛汁，醬汁方面我哋叫咗小辣，撈埋麻醬，甜甜辣辣，幾惹味。自家製山楂雪梨水一枝山楂雪梨滋潤潤喉，酸甜開胃檸檬薏米水一枝檸檬薏米清熱，酸酸甜甜，解膩。