華嫂冰室 (Moved) New Location

本人平時既愛好之一係周圍揾好野食，就算山長水遠都在所不辭。有時候突然想食又會特登坐車去食。華嫂就係其中一間，因為其實有時同朋友夾時間食飯都幾一件難事，更莫講話入元朗，但我地就係為左華嫂就夾左呢一次既揾食兵團我地3個大人加個B一齊去食，叫左最正既蛋沙律三文治，蕃茄蛋波蘿包，1個蕃茄湯底既雞翼通粉，1個蕃茄湯底既豬扒通粉，再加個芫茜肉片通粉。我地真係好食得架。蛋沙律三文治雖然好似平平無奇，但係我覺得佢好食程度仲高過波蘿包。入面蛋碎好豐富包皮脆脆地唔會比沙律醬影響質感。味道好清新，唔會膩。招牌波蘿口感好豐富，好欣賞個包夠挺身，我地放左一陣都冇淋。入面既煎蛋蕃茄做得比其他餐廳更香口。華嫂既蕃茄湯底都好出名，所以我地都有試湯底好香，有濃濃蕃茄味但湯係順滑既唔係傑身既，好清新，唔會搶左主食既味。個人喜歡豬扒多啲。豬扒點住蕃茄湯食，好滋味我地一路食一路見到越黎越多人排隊，好彩黎得早。為左食好野做早起鳥兒值得既