榮記粉麵

Open Now

Now Closed

耐唔耐都會想食榮記嘅車仔麵。喺銅鑼灣依個地區來講絕對係平靚正之選。雖然食飯時間都幾多人，但係其實等大概10分鐘左右都入得。今次叫咗豬頸肉，魚肉春卷，雞翼尖粗麵，另外同朋友share左蘿蔔豬紅。豬頸肉好爽口，大大塊。雞翼尖亦係人氣之選，好多人都會就咁叫一碟雞翼尖食，所以大家不妨試吓。魚肉春卷係朋友介紹嘅，都唔錯。湯底係車仔麵嘅靈魂，加入腩汁又香又濃。反而個麵煮得淋左啲，下次試吓米線先。蘿蔔好林，好清甜。豬紅好滑，一啲都唔腥。