Video
Read full review
2019-03-01
559 views
日日都見到依間餐廳大排長龍，我今日係下晝三點嚟，成間餐廳得我地張枱兩個人，同埋另外四個人。但係嗌咗佢碟招牌白酒蜆肉意粉，都真係要等幾耐下，唔知係咪因為份量咁多難炒啲呢？如果繁忙時間我諗真係等到天光。先講講個蜂蜜牛角包，一想到枱係超級熱，熱辣辣嘅包好香脆，我又冇諗過原來可以搽啲蜜糖係牛角包係咁好食，18 蚊，我哋本來expect係一碟一隻牛角包，點知嚟咗兩隻，雖然一早知道依間餐廳係好抵食，但係都真係好 surprise。白酒蜆肉意粉其實都真係好好食，好香好香蒜蓉味，蜆肉多到你唔信，碟意粉好似成座山咁高，30幾蚊其實點圍皮？有衝動想問吓店員其實係咪自己鋪位唔使交鋪租，因為真係好誇張，我自己就勁鍾意食蒜頭，所以覺得依碟野真係好啱我心水，但係我估有啲人會覺得依碟嘢冇乜白酒味。總括來講，抵啊！
先講講個蜂蜜牛角包，一想到枱係超級熱，熱辣辣嘅包好香脆，我又冇諗過原來可以搽啲蜜糖係牛角包係咁好食，18 蚊，我哋本來expect係一碟一隻牛角包，點知嚟咗兩隻，雖然一早知道依間餐廳係好抵食，但係都真係好 surprise。
白酒蜆肉意粉其實都真係好好食，好香好香蒜蓉味，蜆肉多到你唔信，碟意粉好似成座山咁高，30幾蚊其實點圍皮？有衝動想問吓店員其實係咪自己鋪位唔使交鋪租，因為真係好誇張，我自己就勁鍾意食蒜頭，所以覺得依碟野真係好啱我心水，但係我估有啲人會覺得依碟嘢冇乜白酒味。
總括來講，抵啊！
Post
