天心 (Closed)

喺旺角天心嚴選度，依家推出無限時火鍋放題，價錢由$298起！環境簡約日式木系設計風格，油傘佈置令人感受到濃厚嘅日本風情🎎特選鮮蠔拼安格斯牛肉•日本豚肉•海鮮套餐 💰5️⃣9️⃣8️⃣廣島蠔新鮮肥美，安格斯牛肉包括牛肉、牛小排同牛肩脾，味道香濃而且油花分佈均勻，其他牛肉類都包括在內嚴選美國牛肉套餐 💰2️⃣9️⃣8️⃣任食美國肥牛、牛舌、牛小排同牛板腱。仲有日本豚肉同腩肉片，豚肉柔軟香嫩，豬味濃郁，質素唔錯鍋底特別推介清甜豆乳柚子湯，一人一爐，特色鍋底用豆乳同柚子汁熬煮而成。白色嘅湯底有濃郁嘅香氣同滑溜嘅口感，呢個組合真係新鮮又有驚喜！唔好唔記得其他配料，可以用QR code無限追加！海鮮類有鮑魚、蝦、蜆、帆立貝、竹輪、青口、墨魚滑同蟹柳等等。另外仲有日本小食如枝豆同雞軟骨，係幾豐富多元飲品方面有唔同類型嘅紙包飲品同罐裝汽水供應。中意飲酒嘅朋友仲可以另加$98任飲啤酒同清酒，一齊開心暢飲！店員都好貼心，放置一壺昆布湯係枱面，方便食客隨時享用。🎈天心🎈旺角奶路臣街17號THE FOREST 1樓114號舖