焱丸水產

Open Now

Now Closed

焱丸係我喺香港食過最貼近日本浜燒水產嘅餐廳。先吃一隻日本岩手縣生蠔打開味蕾，蠔身好大隻，稍為偏瘦，但蠔味濃厚，有鮮甜味，加幾滴檸檬汁已經夠帶出蠔的奶油味。甲羅燒係必點，加左蟹籽同埋鵪鶉蛋，燒完有濃濃的蟹膏香，又有粒粒口感，咸甜適中，鮮香濃郁。另一款加左黑松露，少左蟹膏的海產味，多了一份珍菌的芳香。同時叫左鮑魚燒，燒得外面乾身內裏濕潤，入口啖啖肉，軟軟糯糯帶嚼勁，又香又好味。另外叫左2個定食，一個豐洲壽司刺身定食，一個炎丸號細烏冬定食，定食都配有沙律、麻醬冷豆腐同茶碗蒸。豐洲壽司刺身定食的刺身魚生都好新鮮甜美，赤身同池魚厚切啖啖肉，毫不吝嗇，海膽挺身紋理分明，入口鮮甜無怪味。炎丸號原來係3款軍艦，海膽一樣鮮甜，帆立貝沙律加吞拿魚蓉好清新，魚子粒粒巨型，一咬爆汁，鮮味直衝腦門。最後加多一客轟炸雞，名符其實雞件巨形到不得了，滴幾滴檸檬汁，沾一沾沙律醬，香脆多汁。