Video
Read full review
2024-11-13
190 views
係灣仔有好多間主打日本拉麵既鋪頭，但有幾多間係真係由日本人主理架呢？今次介紹既呢間主打由日本人開，拉麵店2014年已經開業，希望可以比香港人食到最正宗既日式拉麵～拉麵店內位置唔算大，夜晚比較多人可能要排隊，不過都唔會話要等好耐🤔餐廳每月都會有唔同既優惠，只要惠顧一碗拉麵同埋追蹤社交平台就可以有期間限定既小食送，例如雞軟骨餃子、一個麵底🤭今期就係送吉列蝦一隻🍤另外老闆好貼心設有鰹魚熱湯，可以自行調較湯既濃度♥️大家食晒成碗拉麵之後可以特登望下個碗既圖案，碗邊有個囍字，唔知老闆既用意係咪想襯番隔離條囍帖街呢🙈—————————————————————————————♦️ 黑龍豚骨拉麵🍜(加紫菜,特別要求：麵質硬,一倍辣）：麵質軟硬適中好掛湯，湯底唔算辣下次可以再揀辣啲，配埋秘製辣椒醬夠晒惹味🤭湯比較濃質感較稠，豚肉好腍身而且肥瘦適中夠晒大塊👍🏻♦️ 白雞鹽味拉麵🍜（特別要求：走筍、唐辛子絲）：湯底唔會好鹹但有濃郁雞味 ，拉麵同湯底好夾，而且湯底唔算好漏~雞叉燒一啲都唔諧好易咬開，有種入口即溶感覺，你會想食多幾舊🙈啲湯滲晒入雞叉燒兩者味道好夾👍🏻另外仲有隻糖心蛋，蛋白好嫩滑而蛋黃亦做到流心效果🥚♦️
餐廳每月都會有唔同既優惠，只要惠顧一碗拉麵同埋追蹤社交平台就可以有期間限定既小食送，例如雞軟骨餃子、一個麵底🤭今期就係送吉列蝦一隻🍤另外老闆好貼心設有鰹魚熱湯，可以自行調較湯既濃度♥️大家食晒成碗拉麵之後可以特登望下個碗既圖案，碗邊有個囍字，唔知老闆既用意係咪想襯番隔離條囍帖街呢🙈
—————————————————————————————♦️ 黑龍豚骨拉麵🍜(加紫菜,特別要求：麵質硬,一倍辣）：麵質軟硬適中好掛湯，湯底唔算辣下次可以再揀辣啲，配埋秘製辣椒醬夠晒惹味🤭湯比較濃質感較稠，豚肉好腍身而且肥瘦適中夠晒大塊👍🏻
♦️ 白雞鹽味拉麵🍜（特別要求：走筍、唐辛子絲）：湯底唔會好鹹但有濃郁雞味 ，拉麵同湯底好夾，而且湯底唔算好漏~雞叉燒一啲都唔諧好易咬開，有種入口即溶感覺，你會想食多幾舊🙈啲湯滲晒入雞叉燒兩者味道好夾👍🏻另外仲有隻糖心蛋，蛋白好嫩滑而蛋黃亦做到流心效果🥚
♦️ 燒魷魚一夜干🦑：燒醬汁甜甜地，魷魚勁香有咬口但唔算好韌仲帶有鮮味
♦️ 炸雞🐓：即叫即炸，雞件好大件，外皮炸得好味而且超薄，一啲都唔厚粉，雞肉夠晒肉汁亦唔會覺得好油膩，絕對推薦🥰
♦️枝豆🫛：味道正常，表面有撒鹽，份量都幾多🤭
♦️Whiskey High Ball🍺：夠晒冰涼，飲落去一啲酒精味都冇岩晒女士們飲，有淡淡既威士忌味道又唔會苦，同拉麵都幾夾可以解除拉麵湯底較濃既口感😌評分🖍️(滿分為5個🌕)
抵食指數：🌕🌕🌕🌕🌑
服務質素：🌕🌕🌕🌕🌕
環境：🌕🌕🌕🌕🌕
味道：🌕🌕🌕🌕🌑
📍 黑龍 (灣仔)
灣仔汕頭街29號地舖
Post
