蛇王二 (Closed)

每一次都係食蛇羹套餐($110)，包括一碗菊花會五蛇羹，一碗鮮鴨潤腸飯(或臘味飯)，一碟蠔油西生菜。蠔油西生菜：無特別。菊花會五蛇羹：好味，但蛇肉唔算多。我自己就唔鍾意食脆脆，可惜無分開上枱，要自己挑走啲脆脆。鮮鴨潤腸飯：飯都幾大碗，有汁，潤腸好好好好味，而且潤腸皮好脆，肉有潤嘅質感又唔會太坺，裡面嘅肥膏亦唔會太多。懂事以來都唔鍾意食潤腸，蛇王二嘅潤腸真係改變咗我對潤腸嘅睇法。蛇王二最麻煩係地方逼，同埋要人齊入座。