Video
Read full review
2010-11-17
109 views
大埔唯一一問廿四小時營業既茶餐廳，轉眼間華立已經十幾廿年喇 ~ 最鍾意係佢地既即食麵餐，係用伊麵架，湯濃、麵又爽滑嚥靭，咁多年未失過手，係度食得最多既係太陽蛋沙嗲牛肉麵，加埋辣椒油，正呀 ~ 以前只得茶餐廳，裝修擴充後就賣埋潮州粥粉麵油器腸粉喇 ~ 招牌野仲有出爐蛋撻、菠蘿油、奶茶等 ~後生時，劈完通宵酒，晨早留留五六點，無邊幾間已開門做生意。飲茶會去德發食排骨飯同點心，仲有燒鴨、燒肉、切雞，三點已開門。食粉麵就會去新蔡潤記，但早極都七點先開舖。所以好多時都會去華立醫肚喇 ~今晚早返到大埔，見距離做運動仲有一段時間，可以食小小野，唔怕一陣操到嘔。最先想去苑記食牛什，但太多人又無卡位，咁唯有去華立啦，見靜靜又有卡位坐得舒服。唔知食咩好，費事諗就又係牛腩撈粗啦 ...... 掛鬼住聽歌叫漏晒啲野，我想係撈粗麵同埋要走蔥架，無法喇，黎到先發現 ~蠔油菜芯走油，見到棵菜啲樣咁殘，都打定輸數架喇，嘆一口氣，算啦。唔理喇，食左先講，就咁成棵啪落口，點知勁新鮮喎、水份又豐盈喎，唔太生亦唔太熟，軟硬適中同時爽口。雖然佢地無咩光澤，仲成個頽廢樣，不過好好味喎，事實放係眼前，凡事唔好只睇外表。但係包裝都好
後生時，劈完通宵酒，晨早留留五六點，無邊幾間已開門做生意。飲茶會去德發食排骨飯同點心，仲有燒鴨、燒肉、切雞，三點已開門。食粉麵就會去新蔡潤記，但早極都七點先開舖。所以好多時都會去華立醫肚喇 ~
今晚早返到大埔，見距離做運動仲有一段時間，可以食小小野，唔怕一陣操到嘔。最先想去苑記食牛什，但太多人又無卡位，咁唯有去華立啦，見靜靜又有卡位坐得舒服。唔知食咩好，費事諗就又係牛腩撈粗啦 ...... 掛鬼住聽歌叫漏晒啲野，我想係撈粗麵同埋要走蔥架，無法喇，黎到先發現 ~
蠔油菜芯走油，見到棵菜啲樣咁殘，都打定輸數架喇，嘆一口氣，算啦。唔理喇，食左先講，就咁成棵啪落口，點知勁新鮮喎、水份又豐盈喎，唔太生亦唔太熟，軟硬適中同時爽口。雖然佢地無咩光澤，仲成個頽廢樣，不過好好味喎，事實放係眼前，凡事唔好只睇外表。但係包裝都好重要，先敬來依後敬人麻，而且色香味都要俱全的麻。
牛腩撈麵，突然唔記得左叫走蔥添，其實我係想食粗麵架，真係一百次都無一次，掛住聽歌添。睇個賣相咁鬼衰，諗住中硬蕉啦，原來好有內涵架喎，好好味。牛腩都係五香牛腩，雖然不及學利既級數，但口感非常軟滑，亦不失趙口，而且炆得好入味。見個麵餅又成劈咁撻係度，都無咩期望喇，估佢唔到原來又爽又彈牙喎，無烚過龍，加埋濃郁既五香腩汁，好醒神，配埋辣椒油美味非常 ﹗
Post
