華立茶餐廳

Open Now

Now Closed

已經沒有來大埔一段很長日子。近十幾年大埔多了不少食店。但華立茶餐廳食物同奶茶的味道，一直都是又平又抵食又好味。食物味道永遠是一種記憶，華立令我記起在大埔還未結婚時做女的日子，以前只覺得是一間平平無奇的茶餐廳。但現在重回舊地。華立的菠蘿包是我食過最好味的一間。

之前睇報道介紹全港10大蛋撻，咁啱去大埔揾朋友，就問地胆呢間蛋撻係咪咁出名，佢答係，於是一齊去食啦。當日叫了叉燒意,太陽蛋，利賓納同蛋撻;朋友的不介紹了。本身都中意食蛋撻，奈何近年食唔到有水準的。今次慕名而來，好開心冇失望，蛋撻熱熱的，甜度同蛋漿都係同以前香港的味道，想買多2個帶走，但凍咗係冇咁好食同當日落雨，免舟車勞頓完令外賣折騰。叉燒意的叉燒有D凍，好在湯夠熱可以浸暖，意粉當然有茶記嘅特色，少少發脹同「林」。近年少見的利賓納都可以喺度 order, surprise 值得一讚，伙記叔叔精明地幫我呢個餐包改蛋撻，既省錢了，又唔洗食多個包

位於大埔墟寶鄉街 離大埔墟火車站稍遠🤏🏻係大埔區內少數有歷史的港式茶餐廳✌🏻典型港式茶餐廳 都不需介紹太多🤣由學生年代就開始幫襯 數一數都幾年無黎今次咁岩老友記由外地番黎香港一講起呢間茶記 佢就即刻讚好😁一般既常餐特餐都有齊 仲有新鮮出爐既菠蘿包 蛋撻🙂算係區內少有今次一於食好耐無食既常餐沙嗲牛肉麵⭐⭐火腿奄列⭐熱奶茶⭐⭐⭐再加個菠蘿包⭐⭐沙嗲牛肉麵既沙嗲汁夠濃唔油 😋有番一定份量既牛肉 唔錯火腿奄列同菠蘿包夠熱 正常熱奶茶 茶味夠 幾滑!!😍OVERALL 都唔錯😙方便指數: 3.5/5環境指數: 3/5回頭指數: 4/5地址: 大埔寶鄉街48號地舖

港式茶餐廳經過都會比門口嘅蛋撻同麵包吸引，因為唔想太迫，刻意揀咗下午茶時間去食。今次叫咗🍜五香肉丁返蛋麵唔知係咪過咗lunch時間﹐隻煎蛋好似預先煎好咗，加上五香肉丁本身係凍凍地，可能我又食得唔夠快，成碗麵好快就凍哂了。🧈菠蘿油邪惡嘅菠蘿油，味道就真係正正常常，但唔好期望個包係熱辣辣或者係暖。🥧蛋撻我揀咗酥皮蛋撻，可能唔係出爐時間啦，都唔係熱的。整體感覺好似以前好味D，希望下次可以食到辣辣嘅菠蘿油同蛋撻。

呢次去咗間算得上係老字號嘅茶餐廳，嘗試咗佢哋嘅招牌多士同埋絲襪奶茶，真係得其嘅料到！多士烤到金黃酥脆，啖啖奶油嘅香濃，真係一啖咬落去，係個"死"字都要飛出嚟咁滋味😋。至於嗰杯奶茶呢，嘩，飲一口已經夠晒滑溜，香甜得嚟唔膩口，仲有微微嘅茶香撲鼻，真心話，我打算翻身做茶餐廳常客🍵！店內氣氛悠閒，就算係獨自一個去，都唔會覺得尷尬，四周滿滿嘅都係街坊面孔，吓吓都見到啲食客彼此打個招呼，嘈吵聲中帶有幾分親切。而且佢哋啲餐具，咁樣傳統嘅格局，都令人覺得好有家鄉味。下次我一定要試下佢哋嘅即叫即做嘅炒麵，睇落去啲叔叔阿嬸好似好入味咁🍜。如果你鍾意親民又美味嘅食物，記得唔好錯過呢家茶餐廳，真係正宗港式，咩都好食到停唔到口！

Satay Beef Noodles                                        The beef was tender, cooked to perfection, and infused with the bold flavors of satay that danced on my taste buds.   Pineapple Bun                               The slight sweetness of the bun was an ideal canvas for the slab of butter nestled within. It was like a sweet and savory dance on my palate, making it a delightful accompaniment to the meal.Hot Milk Tea                                The balance between the strong tea flavor and

這間都還算好味。食咗菠蘿包、火腿奄列、沙爹牛肉公仔面同熱奶茶，一定好飽好開心。我都幾鍾意茶餐廳嘅味道，食完好有滿足感。菠蘿包好鬆軟，外脆內軟，入口即化，配埋奶油都好香，一啖就想再食多幾個。火腿奄列好豐富，夾滿火腿同蛋，加埋美極醬，味道好突出。沙爹牛肉公仔面好特別，牛肉嫩滑，沙爹醬味濃郁，令到面味更加豐富。熱奶茶好香濃，奶味幾足。茶餐廳嘅氣氛都好有港式風味，好熱鬧，好多人都嚟飲茶同食嘢。不過，茶餐廳嘅服務可能有啲忙碌，等餐時間有啲長。總括黎講，菠蘿包、火腿奄列、沙爹牛肉公仔面同熱奶茶都好正，而且份量夠多，足夠食飽。

【大埔區】【華立茶餐廳】又走入嚟大埔，今次我想講一間我食過好多次嘅老牌茶餐廳。好耐之前坐同事車都入過嚟食宵夜，當時求其叼咗碗麵就算，而且冇影到相，求求其塞飽個肚就算，都冇真係好認真咁食吓。今次要喇，我覺得要做呢樣嘢。首先嗰次係同另一個同事嚟食下午茶，係呀，我冇朋友，成日都係痴住啲同事 R 飯腳，同事尊重我老人家都冇乜所謂。一人隊咗一隻「菠蘿油」，熱辣辣又幾好食。佢飲「凍檸茶」，我飲「凍鮮奶」，夾埋 $66，我感覺唔錯。之後嗰次自己去，但食咗更多嘢，首先整碗「原汁牛腩撈麵」配「凍檸茶」，牛腩都幾多，但味道都一般，$50 正常價。叼多碗淨「四寶」，有雲呑、墨丸、魚皮餃、魚蛋，都唔算差嘅，正常水準，$40 都唔算貴嘅又。我去多次畀多個機會佢，又係單拖，今次適逢下晝有下午茶「炸雞髀薯條」，最受呢度讀者歡迎嘅其中一樣茶記食物，可惜呢度水準麻麻，加杯「凍檸茶」走甜收 $42 唔算勁抵。不過我唔想令大家失望，繼續叫嘢食先。我知有啲讀者好想睇西多，就嚟個 $25 嘅「法蘭西多士」，有花生醬之餘仲有舊式糖漿，好食！我得到嘅結論係佢呢度啲包幾好食，叫埋「牛油皮蛋撻」同「酥皮蛋撻」嚟食，各 $6，兩者都唔差

你嗰啲間茶餐廳咁多次可以話係第一次試吓依度嘅菠蘿油唔係因為對依度嘅菠蘿有冇信心亦都唔係因為唔鍾意食菠蘿油而係因為依度嘅食物實在太多選擇太豐富食完嗰餐之後係飽到叫唔到一個菠蘿油所以今日決定靶心一橫淨係坐低食咗個菠蘿油新鮮嘅菠蘿包外面脆博博加上好厚嘅鮮油咬落去嗰一刻感到非常滿足脆脆嘅菠蘿皮熱辣辣嘅麵包凍冰冰嘅牛油用後感簡直有一萬分咁開心真係非常之過癮見到好多街坊鍾意將個菠蘿有按匾先至食我就盡量試吓啦因為好驚整爛個菠蘿皮無論如何真係好好食呀

要知道一間茶餐廳嘅功力去到邊度唔使放一定要試一試佢嘅沙嗲牛肉麵同埋凍奶茶呢間茶餐廳嘅沙嗲牛肉麵可以話係冠絕全大埔淨係見到張相都知道好嘢沙嗲汁夠濃 牛肉夠大塊 精粹所在係個面嗰度全部都係掛汁爽口嘅 呢個沙嗲牛肉麵無論早餐或者下午嗰啲午餐都可以食到講堅一定要試試佢然之後個杯奶茶啦茶同埋奶嘅比例非常之好黑白奶真係實力嘅保證再整多個牛肉蛋治呢個配搭非常好係朝頭早11點前嘅早餐時段所以要食正宗好味嘅沙嗲牛肉麵一定要來這間茶餐廳

唔好以為去咗日本食咖喱 其實都係茶餐廳嘅一個快餐名物洋蔥汁雞扒腸仔飯 人人都話依啲飯係頹飯 但係食到箇中嘅味道都唔係每一間餐廳可以做得到的 洋蔥汁非常鮮味一啲都唔hea 飯粒啱啱好唔太唔太軟林林 最重要嘅係如果你同佢講要多啲汁佢真係會俾多啲汁嚟嘅華衣啲嘢淨係食個飯梗係唔夠㗎喇佢每天都有不同嘅例湯全部都係好好飲嘅中式湯茶餐廳最重要講人情味加埋杯凍奶茶就梗係非常完美嘅一日就由今天開始啦所以如果要食非常有看頭嘅財產一定要你呢一度啊

食茶記一般都係冇辦法下求其食d嘢，但華立係我會重複食都唔會厭嘅，因為真係好多選擇之餘，大部分都好食，價錢又合理首先講下焗飯，我最常食就係焗魚飯，炸魚外脆內軟，蕃茄汁甜甜地，再加埋蛋炒飯另外炒麵都好食，推介豉椒牛肉炒麵，炒麵脆卜卜好好食、牛肉肉質鮮嫩、最怕硬到香口膠咁，呢個就絕對唔會飽點類最受歡迎嘅就係菠蘿油同蛋撻，蛋撻有酥皮同牛油皮，兩款都好食，最緊要嘅係成日都有新鮮出爐，一定要喺佢出爐嘅時候先叫，先會食到最熱辣辣嘅蛋撻，凍咗就唔好食最近入冬就推出左枝竹羊腩飯，份量足又好食，推薦因為真係好多款式，真係唔容易食厭

好嘅嘢點會怕一去再去又嚟到呢間大埔人一定懂得嘅地方如果朝頭早11點幾12點 早餐又唔係又未係時候食得落一碟飯 咁就可以嗌個特餐豬扒榨菜肉絲意粉+1隻煎蛋放到上枱面再加上豆瓣醬其實所有滿足就係喺入面啦當然就咁一個意粉一般麻甩佬都唔會夠飽咁就整多個蛋牛治烘底最後梗係離唔開一杯食茶餐廳一定要飲嘅凍奶茶啦所有街坊情懷氣氛味道就在於此這個鐘數落到去其中一個最大嘅優點 就係過咗早餐時段 又未到食飯時段 唔使等位仲有卡位你都咪話唔盞鬼 😂😂😂😂😂

先來一杯凍奶茶 忍唔到飲咗一啖先至影相所有茶餐廳嘅情懷就在於此 心理滿足好可能大過舌頭上嘅滿足依度有個特餐豬扒榨菜意粉加隻蛋 其實都幾明顯係對住街市豬扒麵嚟打 不過這裏比較就腳同埋感覺上平易近人又唔使等位 都係豬扒麵 不妨試試佢蛋牛治 烘底 地地道道嘅茶餐廳美食 當然仲有其他蛋撻菠蘿包任君選擇 呢度除咗一般茶餐廳嘢食 仲有個粉面檔口所以什麼牛腩麵撈麵豬腸粉等等都可以滿足到大家大埔人一定知道嘅地方下次嚟到大埔如果唔識路求其問一個人都會帶到你去

華立係大埔開業幾廿年，24小時營業，全年無休，咁你大致都諗到入面的員工都係啲刻苦耐勞同一定會有啲性格，但一間有性格嘅員工作主打，佢又憑乜野本事可以係當區開業幾廿年呢？有食開就知佢嘅茶餐包點出品係出色又唔貴嘅，就好似我今日下午茶時段叫咗件蛋撻，每件都只不過$5.5抵到呢。酥皮蛋撻 ($5.5) - 酥皮底厚多層，焗得酥脆，無過火，咬落有層次，加上皮底係加豬油，食落好香口得嚟又完會唔會搶走蛋香。 佢嘅蛋味唔係太甜果隻，主要食其蛋香，同好皮底好夾，兩者平衡做得幾好，食落唔覺油膩。 作為一間老店，佢係賣食物質數同一啲老派情懷。