Kampoeng

Open Now

Now Closed

懷念姐姐煮飯俾我哋食嘅味道，平時喺銅鑼灣成日都會經過門口，但我一直都以為只係買啲印尼哈片小食，直至一次有個姐姐介紹我入去食話好好味。平時晚上人流唔多，但我姐姐話一到星期日就會全場爆滿，家鄉風味咁話喎！因為而家冇姐姐煮飯所以我都去懷念一下，價錢都幾抵食。我哋叫咗個二人餐都係 $308，已經食到超飽。雖然係食馬來西亞野，但係都有冬陰公湯飲，仲要味道好 Thai，湯頭很濃厚。前菜我就要左個小食拼盤，實在好豐富。沙嗲串燒有牛肉同埋雞肉，個人口味今次比較鍾意雞肉因為夠晒嫩滑。當中嘅印尼蝦片更加係畫龍點睛。仲有春卷生菜包，又爽又脆！減輕整體油膩感！主食嘅巴東牛肉，真係估佢唔到咁好食！濃郁嘅牛肉香味，配合精選特色香料 炆煮而成，入味而且口感軟腍。鮮雜菌炒金邊粉比較乾身。蝦醬通菜，翠綠惹味，重口味之選！跟餐仲有飲品添我要左杯奶茶，茶味香濃而且夠晒滑。口感仲有啲似馬來西亞好出名嘅拉茶。店裏員工服務貼心而且態度很親切。面上常掛笑容有禮貌。