馮濤泰菜

Open Now

Now Closed

經過鴨寮街見到有間新開嘅泰國餐廳，價錢相宜，就行入去試吓啦😂結論係裝修唔係好靚，但係嘢食真係好好食！！🔸菠蘿炒飯(雞)🐥炒飯粒粒分明，最令人驚喜嘅係落咗肉鬆同提子乾，成個炒飯即刻層次分明咗好多。🔸豬碎肉生菜包🥗店員主動介紹話係用新鮮豬肉，肥瘦適宜，好有鑊氣。食既時候可加上一塊薄荷葉，再滴少少青檸汁就好好味🔸柏能咖喱雞🐥出邊好少食到呢種咖喱，味道完全唔同，雞肉好入味好嫩好多汁，可以感受到佢哋每一個食材同埋每一個配料都非常用心。🔸馬拉盞炒通菜🥬入味得來又唔重口味，所有配料都恰到好處💯🔸洛神花茶 酸酸甜甜🔸青檸蝶豆花茶，加咗青檸好開胃！最後嘅重點，個泰國廚師真係好靚仔😎可以從佢嘅眼神感受到佢對佢出品嘅每一個餸都非常之認真同埋投入👨🏻‍🍳侍應亦都好有禮貌會特別問你嘅口味，而因應你嘅口味都可以作出相應調整，絕對係一間可以再食過返尋味嘅泰國餐廳