麵館皇

Open Now

Now Closed

喺銅鑼灣讀書嗰陣已經成日食，藥膳湯配上海拉麵冇得輸！藥膳湯+雞+拉麵啲雞勁滑，雞油浸落湯到，令到湯好香。加上佢係藥膳湯，好香藥材味，帶少少鹹。拉麵啱啱好，唔會好淋，又唔會硬到食粉麵。食完飲埋碗湯勁正！酸辣湯+水餃+刀削麵酸辣湯好杰，配料當中豆片勁淋索晒湯汁。水餃好大粒，餡又多。刀削麵好粗身，一啖一條都幾過癮。小食-炸雞翼呢個係必嗌，啲雞翼即叫即炸，上枱嘅時候都仲係炸炸聲。咬開好juicy，鎖到肉汁。唔洗點汁都有雞味。小食-炸迷你雲吞一碟有10粒，好細粒，但原來入面個餡仔好夠味，唔係淨係食到炸皮。