金滿象正宗泰國菜 (Closed)

和太太周末諗住食好啲，叫半隻海南雞(約$109)，一個蕃茄牛腩煲(約$70)同豬頸肉炒飯。想不到上菜時，海南雞半隻得例牌5件雞胸肉1隻雞翼，而蕃茄牛腩煲得幾粒牛腩碎粒(少過一碗牛腩麵)。咁我諗可能好好食，就試蕃茄牛腩，一試就知茄膏汁加芡開水。咁就叫侍應講蕃茄煲無蕃茄，半隻雞變例牌幾件雞，係咪攪錯咗，佢話係咁無錯。我於是直接找老闆，佢就同我講唔好意思，廚房姐姐新黎。唔緊要，肯改番俾我就算。換過碟之後，我見到店方從原本6件雞加咗多一半肉，看上去係半隻雞。食落發覺加番幾件肉，包括雞肶肉。這6件雞肶肉同出面食任何一間海南雞差唔多。但其餘的雞肉就係有一半咬到有渣的雞胸，有雪味同埋係隔夜唔新鮮的。從未食過咁難食！而再煮的蕃茄牛腩有改進，加咗兩粒車厘茄！成餐兩餸一飯無飲嘢，盛惠305！