Video
Read full review
2018-02-11
128 views
生日同男朋友去呢間日式小店食omakese。坊間嘅omakese都係壽司壽司加壽司，no offense，但食嘅都係新鮮食材，時令刺身，師傅嘅功力唔太食到。用左咁多年開飯，今次呢間餐廳令我打左人生第一次嘅食評。我地比左嘅budget係$650@1，究竟食左咩？唔廢話，想睇嘅繼續睇落去！第一道(近自己嗰邊 左至右)三文魚鼻 中間忘記左咩名 右面係面豉日本芥蘭 前菜非常好食酸酸地 係大眾可以接受嘅範圍 十分開胃 每樣都好精緻好好食 前菜已經食到師傅嘅誠意 最好食嘅係三文魚鼻 小小爽 小小煙un 幾難忘第二道沙甸魚刺身配薑蓉 對沙甸魚嘅認識係罐頭茄汁沙甸魚 冇諗過沙甸魚刺身係咁滑 入口冇腥味 真係食到魚味 第三道刺身拼盤 我盡力打返係咩刺身 左手面係即開原隻帶子刺身 唔係冰鮮 好甜之後嗰款魚唔記得左係咩名再之後好似係池魚(冇記錯嘅話)跟住係三文魚魚腩 有蔥嘅嗰碗係吞拿魚尾 自家醃製 最後最中間嘅係拖羅一句講晒 去過築地都冇食過咁好食嘅刺身唔係大路食到嘅刺身每一款都真係好鮮甜 尤其係吞拿魚尾 師傅話呢一個部位好多功夫要切晒魚尾嘅筋 又要用豉油醃製不過講咗咁多食到嘅都係好味同埋好
6 views
0 likes
0 comments
第一道
(近自己嗰邊 左至右)
三文魚鼻
中間忘記左咩名
右面係面豉日本芥蘭
前菜非常好食酸酸地
係大眾可以接受嘅範圍 十分開胃
每樣都好精緻好好食
前菜已經食到師傅嘅誠意
最好食嘅係三文魚鼻
小小爽 小小煙un 幾難忘
8 views
0 likes
0 comments
沙甸魚刺身配薑蓉
對沙甸魚嘅認識係罐頭茄汁沙甸魚
冇諗過沙甸魚刺身係咁滑
入口冇腥味 真係食到魚味
10 views
0 likes
0 comments
第三道
刺身拼盤 我盡力打返係咩刺身
左手面係即開原隻帶子刺身 唔係冰鮮 好甜
之後嗰款魚唔記得左係咩名
再之後好似係池魚(冇記錯嘅話)
跟住係三文魚魚腩
有蔥嘅嗰碗係吞拿魚尾 自家醃製
最後最中間嘅係拖羅
一句講晒 去過築地都冇食過咁好食嘅刺身
唔係大路食到嘅刺身每一款都真係好鮮甜
尤其係吞拿魚尾
師傅話呢一個部位好多功夫
要切晒魚尾嘅筋 又要用豉油醃製
不過講咗咁多食到嘅都係好味同埋好好味
8 views
0 likes
0 comments
第四道
生蠔配少少酸嘅汁 又係鮮甜肥美
食嗰陣時有諗過 如果食兩隻會係太多
定係啱啱好呢 因為得一隻好似唔係幾夠喉咁
13 views
0 likes
0 comments
第五道
軟殼蟹牛油果沙律
影到好似好細碗 但其實好大份
人整軟殼蟹沙律佢整軟殼蟹沙律
佢整得咁鬼好食
仲要適逢我好鍾意食牛油果
呢個沙律冇得輸
8 views
0 likes
0 comments
第六道
慢煮牛肋骨配薯蓉
師傅話 呢份牛肋骨煮足八個鐘
而且呢份牛肋骨仲係百年一遇嘅靚骨
佢話佢做咗咁耐 都好少遇到咁靚
不過我覺得就算唔係咁靚都會好好食
因為食得出師傅真係花咗好多心機去烹調
想提一提個薯容 連個薯容都好好食
因為本人係十分之鍾意食薯蓉
呢一個配搭簡直係perfect match
11 views
1 likes
0 comments
第七道
蕎麥麵配脆脆
平時對蕎麥面不嬲冇乜大嘅好感
因為唔係太鍾意食蕎麥麵
平時去餐廳都唔會叫黎食
點知呢個蕎麥麵好好食
個湯好好飲 麵嘅軟硬度啱啱好
配埋啲脆脆一齊食
原來平凡嘅蕎麥麵都可以咁好味
最後一道
原味芝士蛋糕 (唔記得影相)
冇諗過一間日式小店自製嘅芝士蛋糕
可以咁好食 食唔到大品牌嘅味道
但係食到小店對美食嘅堅持同埋執着
可能會見到啲相唔係影得幾好睇
因為食之前問過師傅可唔可以影相
為咗尊重每一份食物尊重師傅
所以每一次都係匆匆咁影咗一張相就開始食
唔想等到啲食物凍晒
唔想浪費左咁好味嘅食物
最後我想讚下呢間鋪頭嘅師傅(應該係老闆)
佢同佢傾計嘅過程真係可以感受到
佢對日本料理嘅執着
同埋其實記得着佢話
唔想好似其他大舖咁樣
剩係得壽司 冷冰冰 食完就算
好欣賞佢會融入香港人嘅口味
設計一啲比較適合香港人食嘅omakese
而且價錢仲係十分公道
如果真係要食環境嘅話
呢間唔係一間好嘅選擇
但係如果想食到好特別嘅菜式
同埋識到師傅嘅手勢
呢間絕對係不二之選！
一定會再去架！
Post
