泰農菜館 (Closed)

食泰菜第一時間一定點生蝦，因為我最中意食。。哈哈！呢碟生蝦分量只得6隻，真係太少啦！不過佢又真係好新鮮好甜，配埋個酸酸辣辣既汁， 好鬼開胃，ichiban啦 (^_-)食左少少辣野，好想飲d凍野，點左菠蘿 & 芒果smoothies，可以同店員講少甜，真係少甜唔係講少，岩哂我啊！辣椒膏炒大蜆，初初食頭幾隻唔係好辣，但越食越辣，蜆肉夠大夠脹卜卜，好鮮甜，冇沙，正啊！加埋d汁，再叫個白飯吖唔該 (笑)呢碟香茅胡椒炒田雞，餐牌上寫"香芋"，我以為有咩特別用香芋配胡椒所以點黎試試，原來餐牌印錯字 hahaha，係香茅先真。呢碟田雞不得了，超級惹味，香茅加上胡椒令人食慾大增，田雞肉亦好軟好多汁，一定要試呢個，推推推 椒辣膏炒豆角，其實每餐要食d菜我先點呢個咋，又唔係好辣，但食食下個唇會發脹左咁囉，哈哈！每次食泰菜我一定會點芒果糯米飯，平日我偏愛白糯米多d，今次出奇地愛上黑糯米多d喎，無他既...因為今次白糯米硬左d，相反平日較硬既黑糯米就夠林夠軟又有咬口，所以大勝白糯米啦！