Video
Read full review
2023-12-07
834 views
琴晚同三個朋友一齊食飯，因為好耐冇四個一齊食飯，所以就搵咗一間叫帝樂文娜公館入邊食北歐菜嘅餐廳，冇分時段，可以慢慢食慢慢傾偈。餐廳叫做 FINDS，環境坐得舒適，地方闊落。服務員Wendy同Julie親切有禮，這點一定要稱讚，尤其係Wendy主動協助我哋，清楚解釋餐牌上嘅選項（原因係我哋嘅理解能力比較差😅）我哋揀咗一個四人餐叫做四人盛宴之夜，龍蝦三文魚湯好飲，碟邊仲用咗煙三文魚做裝飾。之後個頭盤係北歐海鮮拼盤，呢個我自己個人最鍾意。帶子鮮甜，龍蝦肉多汁。主菜我哋揀咗北歐濃湯燴海鮮和肉眼扒，另外散叫咗半隻香烤雞。北歐濃湯會海鮮呢我哋就覺得個味道比較濃，尤其係入邊嘅三文魚，一致認為三文魚有啲鹹。香烤雞整得好食多汁，肉眼扒全程有微火㷫住。甜品有4款，好有驚喜。FINDS餐廳原來仲有早餐、午餐、brunch、下午茶同埋晚餐供應。搵日得閒再約埋班朋友一齊嚟試吓佢其他餐先。
我哋揀咗一個四人餐叫做四人盛宴之夜，龍蝦三文魚湯好飲，碟邊仲用咗煙三文魚做裝飾。之後個頭盤係北歐海鮮拼盤，呢個我自己個人最鍾意。帶子鮮甜，龍蝦肉多汁。主菜我哋揀咗北歐濃湯燴海鮮和肉眼扒，另外散叫咗半隻香烤雞。北歐濃湯會海鮮呢我哋就覺得個味道比較濃，尤其係入邊嘅三文魚，一致認為三文魚有啲鹹。香烤雞整得好食多汁，肉眼扒全程有微火㷫住。甜品有4款，好有驚喜。
FINDS餐廳原來仲有早餐、午餐、brunch、下午茶同埋晚餐供應。搵日得閒再約埋班朋友一齊嚟試吓佢其他餐先。
三文魚龍蝦湯好飲😍😋
14 views
0 likes
0 comments
Post
