Video
Read full review
2023-09-21
396 views
平時見到要排隊已經卻步，咁岩三點行過唔洗排隊又未食早餐，見到冇掛落場牌，唔洗諗，即刻入去。一坐低低諗都唔諗就叫左牛舌芯+套餐白飯升級（白飯改做牛舌溫泉蛋丼）等左大約五分鐘就上菜前菜（雜菜沙律）、配菜（姜+淡味既吉列豬扒醬）、醃製辣椒、湯、丼飯同主角（鐵板牛舌芯）擺滿成個托盤，好勁既視覺衝擊。我係食沙律先既，味道幾清新，唔似其他餐廳，一係用柚子醬，一係得個酸味嘅黑醋或者胡麻醬，我食唔出係咩醬汁，但酸得黎幾開胃，唯一要彈既係啲菜隔夜切定有啲黑邊（可接受範圍）由於個人唔太鍾意刀叉同筷子換黎換去咁用，所以我係將所有牛舌切粒先，由於佢有洋蔥墊底，所以唔怕會焦，但又可以保持到溫度，我認為佢同出面其他鋪有啲唔同係佢應該係煎完牛舌拎起跟住輕輕爆一爆啲洋蔥，洋蔥黐住煎牛舌啲調味料同牛油味，而唔係放洋蔥墊底。佢啲洋蔥係預你食埋既。就咁食牛舌既牛舌好濃，帶小小焦香，如果覺得油膩可以點醬，淡味吉列豬扒醬可以減輕油膩感但唔會蓋過牛舌既風味，可以慢慢享受。食左一半牛舌係時侯到牛舌粒溫泉蛋丼，成個飯面鋪滿牛舌粒，應該係用起牛舌芯既邊位牛舌肉做的，牛舌肉粒用醬油煮到好淋好入味，有啲似台式肉燥飯既牛舌版，因為裝得好滿，
一坐低低諗都唔諗就叫左牛舌芯+套餐白飯升級（白飯改做牛舌溫泉蛋丼）等左大約五分鐘就上菜
前菜（雜菜沙律）、配菜（姜+淡味既吉列豬扒醬）、醃製辣椒、湯、丼飯同主角（鐵板牛舌芯）擺滿成個托盤，好勁既視覺衝擊。
我係食沙律先既，味道幾清新，唔似其他餐廳，一係用柚子醬，一係得個酸味嘅黑醋或者胡麻醬，我食唔出係咩醬汁，但酸得黎幾開胃，唯一要彈既係啲菜隔夜切定有啲黑邊（可接受範圍）
由於個人唔太鍾意刀叉同筷子換黎換去咁用，所以我係將所有牛舌切粒先，由於佢有洋蔥墊底，所以唔怕會焦，但又可以保持到溫度，我認為佢同出面其他鋪有啲唔同係佢應該係煎完牛舌拎起跟住輕輕爆一爆啲洋蔥，洋蔥黐住煎牛舌啲調味料同牛油味，而唔係放洋蔥墊底。佢啲洋蔥係預你食埋既。
就咁食牛舌既牛舌好濃，帶小小焦香，如果覺得油膩可以點醬，淡味吉列豬扒醬可以減輕油膩感但唔會蓋過牛舌既風味，可以慢慢享受。
食左一半牛舌係時侯到牛舌粒溫泉蛋丼，成個飯面鋪滿牛舌粒，應該係用起牛舌芯既邊位牛舌肉做的，牛舌肉粒用醬油煮到好淋好入味，有啲似台式肉燥飯既牛舌版，因為裝得好滿，根本落唔到隻蛋，所以我係食左一半飯同牛舌粒先落溫泉蛋。
我將溫泉蛋同牛舌粒同飯混合，食落蛋味唔算濃，但勝在冇蛋腥，我估應該係用新紀元蛋做既（因為冇乜蛋味同蛋腥味係佢既特點）。整體不錯
最後食埋另一條牛舌，仲係暖既，因為都差唔多飽，洋蔥只係食左一半。
最後飲埋碗湯，湯佢一啲都唔馬夫，飲到小小鰹魚味同洋蔥既甜味，仲有啲牛舌粒，味噌湯黎講算濃味。
成個餐黎講食完超滿足，如果跟餐可以跟杯凍麥茶收尾，清一清口果陣牛舌味就完美。可惜佢地冇水吧，只能跟罐裝汽水，可以理解既，鋪既空間有限🙂
牛舌芯套餐白飯升級
$176
37 views
0 likes
0 comments
Post
