餃掂手工餃子雲吞專門店

最近屋企附近新開左間餃子店，餃子一直都係我幾中意食嘅食物，呢間手工餃確實唔錯。🍴香煎芝士軟心餃 十隻 $68價錢雖然比一般貴，但幾驚喜喎，入面有好多鮮甜嘅粟米夾豬肉，芝士醬幾香濃，加落粟米豬肉估唔到咁夾，值得一試。🍴芫茜豬肉餃 十隻 $65芫茜熱潮下呢到都有茜食，做餡料味道唔會太搶，豬肉大大舊。🍴四川涼麵 $30天氣熱最啱食涼麵，過冷河後麵質彈牙，下次會叫中辣更過癮。🍴蜜餞雞翼 五隻 $32甜甜地好開胃，有住家味。🍴餃子麵 併雲耳椰菜餃 $55清清淡淡，水餃脹卜卜，呢個款式都唔錯。