滿江紅小甜甜 (Closed)

有時去旺角又或者想食川菜唔知食乜都會嚟呢一間，佢有幾間王牌小菜係值得推介。C類餐廳，同埋唔會趕客走，當然餐廳客人多就一定會嘈。嚟呢度一定要麻辣食魚春魚卜煲，呢個配搭真係好夾，又唔貴。坦白講我真係咪喺度第二度食過，其實佢有時個質量都好參差，但係基本上都係水準。泡椒雞腳都算好入味、仲有原味焗蜆，真係攞個木桶錫紙包住焗，到上枱先至𠝹開個錫紙。辣子肥腸，個味道都做得好好。基本上呢都係好平，每個菜式都係幾十蚊至一百多。咁啱呢次我同朋友坐左一晚。由8:30到11點，每人都係$200。