滿江紅小甜甜 (Closed)

幾個人出黎食飯,諗住食下魚春魚卜煲,本身都醒目8點15打電話去問仲有無啦?咁聽電話個個人就話有啦就收左線我地聽完,醒起未BOOK位,咁就即刻打返過去話BOOK8:30啦又係岩岩聽電話個個接,佢問我地幾多人?我地就3個 佢就用好差態度話你地直接過黎唔留位啦我地就即刻過去8:35分我地3人過到去  比左個位係滴水咁坐低就已經落單,叫魚春魚卜煲-->無叫焗蜆-->無咩都無,其實都無心機食,算啦見都8點幾,照食啦都黎左點知比我地聽到隔離落單,佢地又係叫魚春魚卜煲--->佢地就有仲要遲過我地黎我地就決定唔再落單,直接起身依間侍應態度又差,又唔公平對待,如果仲繼續食,一定成肚氣

去到呢間老字號嘅小甜甜，麻辣魚春魚卜煲真係整得嗲呀🔥！麻辣入味，魚卜滑溜，食落舌頭都即刻有響應，辣得過癮但又唔會辣到哭，好match白飯～ 金菇肥牛麻辣燙，肥牛夠嫩，金菇爽脆，同辣椒一齊燙，辣香夾襯得好貼切。麻辣豬手麵成碗望落都好惹味，豬手腍身淋漓，Q彈得好有勁，可惜就係辣得唔太夠勁，如果更加搶眼啲就更加啱我味。酥炸雲吞啖啖肉餡，炸到外脆內腍，啱晒喜愛小食嘅朋友，真係食唔停口咁解！整體黎講，小甜甜嘅川菜仲係咁有水準，平民價錢都食到勁多味道嘅選擇，下次仲會再黎探險其他菜！如果你都係個辣愛好者，呢度應該唔會令你失望。食完之後整個人都精神晒，食辣嘅快樂真係無得輸㗎！👍😋💯

天氣凍既時候突別想食辣野，今晚同咗老公去食呢間川菜叫咗麻辣燙肥牛、歌樂山辣子雞、 滷水牛𦟌，炸饅頭1）麻辣燙肥牛🥩麻辣燙有好多芽菜，肥牛係急凍牛，但麻辣燙湯底夠濃，肥牛同芽菜都好入味😋2）歌樂山辣子雞🌶️雞粒炸得夠脆口🤩 而且辣味十足，配埋腰果更惹味3）滷水牛𦟌牛𦟌份量夠多，夠淋夠入味，而且牛𦟌下面仲有幾粒豆卜，可以順度一試佢既炸豆腐，炸豆腐同牛𦟌一樣夠入味 估唔到呢間川菜店除咗辣野出色，滷水菜式都唔遜色4）炸饅頭饅頭炸得啱啱好，超好味，外脆內軟，配埋煉奶真係不得了，諗番起都流晒口水想再encore😝

尋日同老公即興搵嘢食，我哋都想食辣嘢🌶️🌶️🌶️所以決定重溫一下多年來冇食過嘅🔥小甜甜，一去到餐廳唔需要等位，舖頭擺設同裝修同以前一模一樣。一坐低即刻叫個麻辣魚春，點知八點都未到，佢就話賣晒🥲咁唯有叫個麻辣魚卜，嚟到我食咗一啖，我覺得個味道好腥，已經食唔到落去😢而且份量好少，又切到碎濕濕…..一啲口感同膠質都冇!鍋底全部都係白蘿蔔薯仔青瓜墊底….整體嚟講呢個麻辣魚卜唔好食。另外仲叫咗個干鍋田雞，呢個味道還可以，但田雞份量都係屬於少。另外前菜叫咗個泡椒鳳爪，呢個就不過不失。最後叫咗個花生雞腳燉湯，估唔到呢個係最出色🤩啖湯勁鮮甜，雞腳超滑，入邊有好多瘦肉，花生🥜都係燉得超淋，仲有兩粒紅棗喺入邊，勁養生。建議大家下次黎小甜甜要嗌燉湯😆❤️

每次去旺角行完，諗唔到食咩果陣都會黎呢度⋯⋯因為知道唔會中伏😂😂而且仲有必點bucket list 其實我每次都係為左魚春煲黎⋯⋯🤭可惜低碳唔敢食咁多飯，呢個送飯真係一流

唔知有冇人好鍾意食魚春呢🤤🤤我就特別鐘意食😋😋成日都會買一大舊魚春煲飯。係屋企人介紹下 得知小甜甜有魚春煲 梗係即刻去試👍🏻不得不說 佢嘅魚春煲真係幾惹味 魚春又夠多 真係好好食 又唔會有腥味 去依到必食

隨著川菜餐館的井噴式發展，走在旺角鬧市，不難找到四川風味的小館。各種精緻擺盤和廣告，刷新著人們對街邊川菜的傳統印象，掀起一陣陣精緻川菜風。.其中位於旺角的《滿江江小甜甜》是香港比較早期的舊式川菜館，最少開業滿10年，算得上老字號。身邊有一些愛吃辣的朋友對於《小甜甜》的近年表現，可謂有愛又恨，紛紛覺得比從前遜色多了，尤其辣度大不如前。分不清到底是大家的舌頭抵辣能力升級了，還是餐館逐漸轉型罷了。.於我這類嘗辣初哥而言，辣與不辣，並不是重點，所以對於降低辣度，反而更能享受那種微微麻辣的滋味。一間餐館的好與壞，有時還得看菜式對不對個人口味。我們二人共點了：▪️水煮魚（$198 小窩）▪️辣子雞（$138）▪️螞蟻上樹（$72）▪️啤酒（$30一支）另收茶費，每位$8，另再收加一服務費.🧡水煮魚先談賣相，果然滿江紅。水煮魚片，是川菜中一道非色出名的特色名菜，由新鮮草魚、豆芽、辣椒等食材製作而成。與酸菜魚有點類近，不過前者比較看重油的運用，一般都不會特別喝「湯底」。.魚片用上無骨大頭魚，魚味特濃，略帶一點土腥味，亦沒有普遍酸菜魚吃到的滑溜感。辣度由一開始的「不夠辣」，後來愈吃愈刺激。待吃到最爽快的時候，魚

我同朋友都好鍾意食辣🌶️經朋友介紹,就特登嚟到小甜甜試吓佢嘅川菜,個個都話性價比高🤫麻辣魚春魚卜煲,魚春同魚卜食落口完全冇腥味,魚卜口感滑口,魚春咬口完全唔會乾爭爭,配上麻辣汁,非常惹味🤤麻辣水煮魚🐟魚肉質地非常滑,嚿嚿都啖啖肉,份量亦都好多,鍋底仲配有大量芽菜,非常抵食🤩酸辣炒土豆絲🥔味道酸酸辣辣,配上白飯簡直一流😋椒鹽豆腐粒,外脆內滑,配上炸蒜粒一齊食,會令人食不停口,一粒接住一粒咁食🤤

不可一不可再，非常差嘅服務態度，我地一行人坐低叫完菜，發現冷氣機嚴重滴水所以才要求轉位，侍應亦看到枱面是有大片水漬，後來侍應要求我地將枱上杯碟碗筷子自行搬到新桌，這段距離並非只是左右位置的枱，我們表示搬不到，亦表示我可自己另外在新桌使用新餐具亦不用勞煩他們再給我碗沖洗茶具了，我已非常想吃完便走一秒都不想留多，結果他發惡指叫我地唔好講咁多，言辭非常惡劣！先表明店內人數非眾多侍應們並非踢晒腳是有時間閒聊開玩笑的，我因受到無理對待已即時下單不久要求食物未來前取消訂單，因態度實在非常惡劣指罵，我不能再留下全程接受他這種喋喋不休的滋擾態度，他指我們取消訂單但已開了茶不能走，我地因不想與他再糾纏希望另找餐廳，表明會支付茶費及加一縱使我地只坐下一陣茶也沒有飲一口！希望看到此留言的人士能避過一劫，全港非只有一間川菜，這是我此生目前遇過最惡劣的餐廳。

相信有一開始認識我嘅人都知道小編我係好鍾意食辣嘅😍無辣不歡！之前已經介紹咗元朗有一間食堂，今次轉戰九龍區，不過呢間我相信都好多人認識！必叫嘅有田雞煲同埋魚卜魚春煲😙👍🏻一律建議全部叫中辣先好食，夠濃味，個辣好惹味一試難忘，魚春魚卜煲都唔係度度都有，另外再叫咗個辣子雞，涼拌粉皮同埋尖椒皮蛋，粉皮好滑嘟嘟，個尖椒皮蛋都好好食，用咗最鍾意食嘅黑醋😍仲用左溏心皮蛋，好正！不得不提嗰度杯檸檬茶係好好飲😂雖然唔係啲咩特飲，不過好鬼大杯jumbo size，鍾意食辣嘅朋友仔快啲試完又話我聽你哋覺得點啦😚

聖誕節同老公去食四川菜,尼一間四川菜，我同老公耐不耐就嚟食！每次尼必食嘅（麻辣魚春拼魚卜煲👍🏻）上嗰幾次嚟食，少咗好多魚春，今次多番，不過魚卜又好似少咗啲😂（可能啲嘢來貨貴咗掛😅）同埋試咗個（麻辣黃鱔煲）唔錯👍🏻好食！（口水雞）呢個就麻麻啦！同埋好咸！另外飲咗咗兩個燉湯！兩個都好正👍🏻（川芎白芷天麻燉魚頭湯/菜乾燉豬肺湯）總括嚟講，除咗口水雞其他都好食嘅😚😚所以我會繼續支持！希望口水雞改進下啦

朋友喺外國返嚟度假話見我哋成日去小甜甜都好想去試吓點知小甜甜灣仔店租約期滿經營到11月就結業希望佢哋早日喺灣仔搵到一個合適嘅舖位可以再戰灣仔好彩旺角店仍然營業我哋特登過去九龍幫襯可能食慣灣仔店大廚嘅手勢始終心裏面都有個比較朋友第一次食就非常滿意相信喺灣仔店未能夠重開之前都會繼續嚟旺角店幫襯住先

超級伏，終於明點解唔使等位叫咗個麻辣牛肉鍋， 干鍋菜花，尖椒炒肉絲，花膠響螺燉湯 同 炸饅頭，無一樣好食！除咗個饅頭，叫做放得落口其他全部唔知想點牛肉勁肥，好似食棉枱咁，湯無麻無辣得個鹹字，火又細，水唔滾！個燉湯就冇味，淡到連條匙羹嘅漂白水味都遮唔到…椒絲炒肉碎，鹹到唔想食，仲好油，要勁飲水最慘、最慘係…..叫左餸等左40分鐘先到..問親教無人應….. 永久black list !無人等位係有原因咖最後可樂都唔想叫！$1 都唔想再比佢賺🤯

川北涼粉$38好味指數：9/10呢個係我夏日最愛，麻辣汁🌶配咗啲青瓜絲🥒花生碎🥜芝麻粒，味道濃郁，食落去仲有少少薑味，夏天食呢個涼拌真係冇得頂。蒜蓉萵筍絲$58好味指數：8/10萵筍絲好有咬口，而且份量非常抵食，平時食開清炒，今次叫咗🧄蒜蓉，食落去更加香口。而且我食過咁多間萵筍絲，最鍾意佢切嘅大細size啱啱好，唔會太粗亦都唔會太幼，呢個都好考廚師嘅🔪🔪🔪功夫。歌樂山辣子雞$138好味指數：7/10因為要就另一半，所以揀咗🌶小辣，上枱嘅時候已經聞到辣椒嘅麻香，粒粒雞粒配上腰果，送酒🥃送飯🍚都一流。而且🐔雞粒非常入味，不過我哋一致認為辣多一級會再惹味啲。炸饅頭$38好味指數：10/10呢個係世界級炸饅頭，食過咁多間佢炸嘅程度係啱啱好🤗，唔會Overcook，亦都唔會炸得唔透，外皮啱啱好卜卜脆，但裏邊非常鬆軟，其實真係冇嘢好彈，真係要彈嘅話就係佢俾嘅煉奶🍼可以再多啲。🤣

叫咗薑蔥雞，但係一舊雞肉都冇，仲要俾埋啲頭頭尾尾，全部都係骨。又細碟。水煮魚冇得揀辣度，又唔麻又唔辣。唔知食咗啲咩。除咗熱之外，冇優點。所有嘢等咗成40幾分鐘先到。等都等到飽。兩個人埋單$300。平時去開另一間，今日諗住試新嘢，點知中曬伏。失策。………………………..………………………..………………………..………………………..………………………..………………………..………………………..