豐味車仔麵

Open Now

Now Closed

香港近幾年興起酸辣及麻辣等四川風味，連小肥兔都非常熱愛，今日去旺角行街，見〈豐味車仔麵〉仲有一款叫〈麻辣燙〉嘅口味，就決定入去一試。除咗有我頭先提及嘅〈麻辣燙〉外，仲有傳統嘅車仔麵及重慶酸辣粉，食唔食辣嘅朋友都可以照顧到。店內沒有花巧嘅裝修，非常簡潔。但以普通車仔麵店來講，已經算非常寬敞舒適。我叫了三餸一麵麻辣燙，熱辣辣的送來，好香呢！！BB班我選了小辣口味，先嘗一口湯底~味道好濃郁，麻香多過辣，帶少少甜味，比酸辣口味少一份刺激，所以不會吃到眼淚鼻涕直流，味道很好。吃麻辣要配薯粉是常識吧！！粗薯粉煮得剛好，軟硬度適中，口感Q彈冬菇是必吃首選，非常厚肉，夠腍又入味。豬皮亦是另一款索湯之選！！爽口的豬皮吸滿湯汁，好吃極了。另外雞翼非常好吃，腍滑得來有雞肉的口感，而且滷得非常入味。想不到在女人街的小小車仔麵檔可以有如此高質素的食物，去旺角想慳慳地食餐的話，可以選這間。