田記魚蛋牛腩專門店 (塘尾道)

Open Now

Now Closed

夜晚8點入到，都坐滿9成，但好彩仲有一張枱。望見餐牌都係傳統粉麵店的食物。要試一間餐廳粉麵店好唔好食，必定要食牛腩、牛肚和牛根。牛三寶河（$54）一次過滿足我三個願望🤣。麵好快就到，湯有濃濃牛腩汁，好有牛腩味好好味。牛肚燉得夠淋，入口軟綿，咬一啖牛腩會在口中爆開。牛腩燉得夠耐，牛腩好入味，肉質都淋中帶爽。牛根都好入，有濃濃牛腩汁味，有少少口感，但我比較鍾意入口即化的感覺。河粉有好嫩滑，加上辣椒醬就冇得頂。（美食推薦度10/10）牛腩魚蛋（$47）河中的魚蛋好軟淋，並是好彈牙的類形，亦魚蛋都有魚味。（美食推薦度9/10）淨雲吞（$35）有7粒，味道幾好都抵食。雲吞入邊只有2隻蝦，但略嫌雲吞較細粒。（美食推薦度8/10）另外點了兩杯熱飲品（每杯加$10）熱柚子蜜和柑橘蜜。兩杯都有十足水果蜜，一杯變兩杯都可以，有足夠的甜度。一間會encore的傳統牛腩粉麵店😊😊