QUE (MOKO新世紀廣場)

Open Now

Now Closed

今次食第二次，叫左二人餐，有湯或沙律，一個小食，一個主食，2個塔可，一個甜品連兩杯飲品。佢個湯唔係紅湯或白湯，而係大蒜薯仔湯，小食揀咗咖喱炸雞軟骨，咖喱雞軟骨都係第一次試，主菜揀咗軟殼蟹意粉配蟹肉蕃茄忌廉汁，塔可揀左香蔥拖羅蓉同鰻魚玉子，甜品揀咗綠茶Tiramisu。薯仔湯- creamy ，有芝士同香草味，飲落好重薯仔蓉嘅味道。咖喱雞軟骨-粒粒都勁大粒，有咖哩味，用左咖喱粉，點埋個特製沙律醬，成個味好夾。軟殼蟹意粉- 隻軟殼蟹好多蟹膏，唔會炸到好油膩，佢個意粉軟硬適中，成個汁好creamy 好rich，好香蕃茄味同芝士味,啲汁配有碎蟹肉！鰻魚玉子壽司塔可-佢係用一個天婦羅嘅紫菜包住壽司飯，面配有3塊鰻魚，玉子同青瓜絲，食落口感特別，天婦羅紫菜唔油膩，鰻魚夠肥美同無骨，成個口感好清新，有個紙托墊住食，食落好有儀式感。香蔥拖羅蓉牛油果塔可- 勁多拖羅蓉，好新鮮，蔥味好出，主要食拖羅為主，塔可好特色。京都宇治抹茶Tiramisu - Tiramisu 入面配有糖漬紅豆，抹茶味唔算濃，有清酒可以唧入去Tiramisu食，唔濃酒味又出奇地夾。