Video
Read full review
2021-07-16
98 views
但願人長久，不斷吃月餅。月餅🥮，呢個中秋節一定要食嘅食物，之所以鍾意食，除咗味道之外，亦都因為每次食嘅時候都可以同屋企人一齊分享。.一家人齊齊整整坐埋一台檯，兩刀下去，分為四件，一人一小件，然後談天說地一齊品嚐，嗰種美好同幸福係言語難述嘅。.經典流心雙輝月餅 (流心奶黃 + 流心芝麻) $348：一盒有兩種口味嘅月餅，啱晒我呢啲三心兩意嘅人，經典嘅奶黃月餅，食落香香甜甜，一切開中間就係流心狀態。.我哋分別試咗就咁食，同埋加熱嚟食，感覺各有千秋，就咁食流心嘅程度會高啲。而加熱後，出面嘅餅皮就會更重牛油香氣，流心程度雖然減低少少，但仍有流心狀態，所以個人較愛加熱嘅食飯。另外個人感覺佢哋嘅奶黃月餅，相對半島黎講，甜度冇咁高，亦都冇咁滯膩，整體係唔錯。.而芝麻口味亦都出色，一入口，芝麻香氣就湧襲而來，少有嘅獨特月餅口味，令屋企人都覺得耳目一新，可encore。.PS：包裝盒好精緻，係Tiffany blue色，食完啲月餅之後我仲留返佢嚟做口罩盒😁。
月餅🥮，呢個中秋節一定要食嘅食物，之所以鍾意食，除咗味道之外，亦都因為每次食嘅時候都可以同屋企人一齊分享。
.
一家人齊齊整整坐埋一台檯，兩刀下去，分為四件，一人一小件，然後談天說地一齊品嚐，嗰種美好同幸福係言語難述嘅。
.
經典流心雙輝月餅 (流心奶黃 + 流心芝麻) $348：
一盒有兩種口味嘅月餅，啱晒我呢啲三心兩意嘅人，經典嘅奶黃月餅，食落香香甜甜，一切開中間就係流心狀態。
.
我哋分別試咗就咁食，同埋加熱嚟食，感覺各有千秋，就咁食流心嘅程度會高啲。而加熱後，出面嘅餅皮就會更重牛油香氣，流心程度雖然減低少少，但仍有流心狀態，所以個人較愛加熱嘅食飯。另外個人感覺佢哋嘅奶黃月餅，相對半島黎講，甜度冇咁高，亦都冇咁滯膩，整體係唔錯。
.
而芝麻口味亦都出色，一入口，芝麻香氣就湧襲而來，少有嘅獨特月餅口味，令屋企人都覺得耳目一新，可encore。
.
PS：包裝盒好精緻，係Tiffany blue色，食完啲月餅之後我仲留返佢嚟做口罩盒😁。
Post
