北京王府水餃 (Moved) New Location

怪獸同女王中午時份來搵我食飯，本來諗住同佢地去食沾仔記，但好多人出面又熱，就是但求其入左隔離的王府。我地每人都叫了一個水餃麵，我要了韭菜餃。朋友的水餃麵好快就來到，偏偏我的就遲左成五分鐘先到...。唔緊要，等一等冇所謂，但係味道真係有啲強差人意。餃子做得最好係個皮，幾薄的但仍帶點咬口。餡就只係好普通的韭菜餃，冇咩特別。個麵係最差的，麵質不好，有點鞋又冇咬口。個湯冇味，只不過係用來淥熟餃子同麵的白開水。感覺好似我平時自己係屋企煮的「頹麵」...但起碼我都會落下雞粉，未至於咩味都冇。中環的平野食通常都有番咁上下，如果唔係都唔能夠支持到咁貴的租。但依度的麵，以佢既「名氣」同位置來講，都真係幾差。全女班的師奶服務員們仲要幾惡的，此地不宜久留，食完就拿林走了去第二度飲野。