皇后飯店 (Closed)

行勻成個又一城都唔知食咩，最後揀了這裡。幾鐘意依度既裝修，西式得來亦配合一點中式的古舊，有心思！兩個人食，朋友要龍脷而我就要橙汁鴨胸。忌廉湯只屬一般，但麵包就夠熱，算合格。主菜既鴨胸好大份，我吃了大半便投降。事實上，橙汁配鴨胸，感覺很新鮮，味道亦十分清新。鴨胸嫩滑又有鮮味，不會有"渣"，我很喜歡。最後一杯熱奶茶，香濃夠滑而不苦，有水準！唯一要彈的是那個廁所，比公廁更差，完全不可接受。