順酸辣粉

Open Now

Now Closed

一個人嘅時候就會想食米線，呢間米線應該向屯門都開左好耐，但一直都未有機會試，今日經過門口發現原來唔單止有米線食，仲有飯類，都好多選擇，而且食飯時間都差唔多滿座。招牌酸辣粉<$34> 再加韮菜餃<$10>同魚肉卷<$7>，由於第一次食，所以先試小辣，辣度比想像中溫和，下次可以挑戰中辣，但酸味係十足，愛酸菜嘅絕對會心心眼，魚肉卷嘅魚味十足，韮菜餃皮薄餡多，而且米線煮得剛剛好，唔會太淋。蒜泥白肉<$38> 肉嘅份量都好多，肥瘦比例都適中，不過個人覺得蒜蓉可以再多啲就更加好了。一邊食嘅時候留意到老細同啲客人都會有講有笑同好好笑容，小店有時候就係呢種人情味最吸引。