大排檔小炒 (華發大廈)

Open Now

Now Closed

🎈大排檔小炒 (駱克道) 🔍銅鑼灣駱克道405-419號華發大廈地下A號舖-----有冷氣、有舒適環境嘅大排檔少有，黃色的大排檔就更少有。呢間位於銅鑼灣嘅大排檔後起之秀，店鋪光猛整潔，餐牌選擇多得令人眼花撩亂，Weekday夜晚8點幾黎到，都依然全場爆滿。🐷拔絲咕嚕肉（$98）正當睇餐牌睇到三心兩意之際，環顧四周見到好多人枱上都有呢一碟橙色嘅東西，即刻跟住Order返碟。大大件嘅咕嚕肉，大概10分鐘左右就送到我哋嘅檯上，一咬落去，薄薄嘅一層炸皮香脆帶酥，酸甜平衡恰到好處，加上7分瘦3分肥嘅鬆軟豬肉，多人叫果然係有原因的。三色肉碎蒸水蛋（$78）表面無咩小氣泡嘅蒸蛋，狀甚誘人，而食落去亦都係一如所料地滑嫩，蛋水比例亦控制得當，不過單食會較鹹，係適合配米飯🍚一齊食嘅小菜。拔絲腐乳炒通菜（$72）熱騰騰嘅通菜端上來，第一啖食到嘅，唔係腐乳味，亦都唔係通菜味，而係帶有少少焦香感嘅鑊氣味道，加上條條通菜脆身爽口，整體質素唔輸肉類小炒。豉椒炒大蜆（$98）香濃得黎帶極微辣香嘅蜆肉，雖然唔大隻，不過無沙肉亦厚肉，幾惹味，又係下飯之選。