肉浦團火鍋放題

Open Now

Now Closed

雖然呢排好熱，但冇阻我想打邊爐嘅心😂 上次食隔離發現呢度都有間任食邊爐，咁梗係同朋友試下佢😎有4款set可以揀，我哋就嗌咗M5M8和牛set，因為見到佢有啲肉平時出面好少會有，例如係臂腰肉心同牛臂尖心☺️湯底我哋揀咗麻辣同胡椒豬肚湯，一滾已經聞到好香，都幾足料真係會豬肚，不過呢度嘅湯底相對比較清，所以好易入口🔥 自選區都幾多選擇，除咗邊爐配料，仲有啲熟食，咖哩魚蛋、薯格、薯條等等飲品都有啲係第一次見，朋友強力推薦韓國橙汁，唔會好甜幾好👍🏻打邊爐梗係瘋狂食牛，個人最中意M8 臂腰肉心同牛臂尖心，雖然比較瘦但唔會覺得韌，而且牛味幾重，仲有黑豚肉都超正，不停係咁encore😂🤭仲有呢個牛肉滑，推推推！似食緊好重牛味嘅牛丸咁，幾好食👍🏻海鮮方面，蠔同魷魚都非常好食，前者鮮甜後者爽口！重點係宜家做緊星期日至四，二人同行一人半價，即刻好抵食！