大快活 (Closed)

呢次係我第一次寫食評，因為我唔知可以同邊個投訴，去佢地個綱站，除左招聘什麼都冇，都唔知整個綱站做咩？又要扮新潮又做啲唔做啲，真係多餘。回正題，今日如常去呢間大快活食野（其實一個星期去一兩次），買左個燒雞扒火煺飯，嘩！唔係化，一拎個餐，以為自己睇錯，塊豬扒仲大過隻鐵匙羹小小，咁大塊邊食得曬呀，仲夠膽收 $32蛟咁底，咁我緊係拿拿聲問下啲職員啦，＂唔好意思，請問塊雞扒（係雞扒唔係雞塊喎）係咪真係咁大塊架，職員A好似聽唔到，咁再問多次，職員B既燒味部哥哥話＂係呀！係咁架＂，咁我只可以答＂哦，唔該曬＂，然後梗係拿拿聲影張相同大家一齊分享啦！唉，大快活真係越做越差，唔怪得我啲同事都唔肯去，成個愉景新城既食店食飯時間都爆滿除左呢間真係唔係冇道理。