Video
Read full review
2024-07-07
1027 views
地方所限，餐廳做唔到每款食物堆砌得好墟冚澎湃既感覺，但係Refill速度極快，由我坐底到走人都唔覺有食物缺貨。而且店員人手充足，每次出去攞完食物，返到黎隻舊碟就唔見左，見到飲完杯水都拿拿聲衝過黎加水，服務好欣勤周到。另外仲有即席烹調鮑魚鴨掌、富貴雞同火焰雪山。廚師會一邊講解一邊煮。攪咁多野都係想食客食得滿足之餘仲睇得開心～🦞凍海鮮除左、青口、翡翠螺同熟蝦呢d基本野之外，仲有波士頓龍蝦、加拿大雪花蟹腳同麵包蟹呢d高回本海鮮，個人最鍾龍麵包多，除左比較少見之外，仲因為佢啖啖膏，食得好過癮🍲熱盤酒店既中菜廳咁出名，熱盤一定唔會令人失望，眼見有超過20款菜式。最特別既係有富貴雞同焗蟹蓋富貴雞即係乞丐雞，第一次見自助餐有得食，係現場即席表演完就會出現，雞肉入口非常嫩滑。芝士蘑菇焗蟹蓋，雖然冇平時係中菜廳食咁炸到金黃色，但入面既蟹肉係一梳梳，一d都冇偷工減料，自助餐食到呢個質素，絕對超值🥣湯類有竹絲雞螺頭燉豬展同法式龍蝦湯，中湯夠哂足料。自助餐出現龍蝦湯都係第一次，而且味道唔會差過西餐飲到既🍖肉車區今次有燒香草肉眼扒同片皮鵝，冇錯係片皮，鵝既油脂比鴨更豐富，師傅係現場即叫即片，荷葉餅仲有蒸爐保温，
另外仲有即席烹調鮑魚鴨掌、富貴雞同火焰雪山。廚師會一邊講解一邊煮。攪咁多野都係想食客食得滿足之餘仲睇得開心～
🦞凍海鮮
除左、青口、翡翠螺同熟蝦呢d基本野之外，仲有波士頓龍蝦、加拿大雪花蟹腳同麵包蟹呢d高回本海鮮，個人最鍾龍麵包多，除左比較少見之外，仲因為佢啖啖膏，食得好過癮
🍲熱盤
酒店既中菜廳咁出名，熱盤一定唔會令人失望，眼見有超過20款菜式。最特別既係有富貴雞同焗蟹蓋
富貴雞即係乞丐雞，第一次見自助餐有得食，係現場即席表演完就會出現，雞肉入口非常嫩滑。
芝士蘑菇焗蟹蓋，雖然冇平時係中菜廳食咁炸到金黃色，但入面既蟹肉係一梳梳，一d都冇偷工減料，自助餐食到呢個質素，絕對超值
🥣湯類
有竹絲雞螺頭燉豬展同法式龍蝦湯，中湯夠哂足料。自助餐出現龍蝦湯都係第一次，而且味道唔會差過西餐飲到既
🍖肉車區
今次有燒香草肉眼扒同片皮鵝，冇錯係片皮[鵝]，鵝既油脂比鴨更豐富，師傅係現場即叫即片，荷葉餅仲有蒸爐保温，非常貼心👍另外牛扒質素都好好，保留到肉汁之餘厚切都唔會韌，最特別係配菜有約克郡布甸出現，係香港好少見。
旁邊既爐端燒有十幾款唔同既串燒即叫即燒，包括牛舌、鴨肝同虎蝦呢d貴價食材，連好多地方都係限量既鵝肝多士都係任食
🍣刺身及壽司
有三文魚、鯛魚、吞拿魚等等。而且每款壽司都係即叫即握，唔會整定哂擺係度吹西北風
🥗冷盤類＆沙律
加埋有二、三十款，除左平時常見既cold cut。第一次見煙鮫魚，味道甜甜地，幾特別。沙律款式都幾多，連韓式都有，每樣試一啖都飽
🥧甜品
甜品都值得一讚，冇出現平時見到大大件既蛋糕，換黎好多高雅精緻既小甜點，款款賣相都好吸引，仲有焦糖燉蛋、西米布甸、蘋果金寶、熱焫焫既葡撻、即叫即做既窩夫等等等等等等～～最後當然唔少得Häagen-Dazs雪糕
Post
