黑門水產すいさん (棉登徑)

Open Now

Now Closed

呢晚嚟到尖沙咀搵食，棉登徑有好多日本嘢揀，今次就揀咗呢間食甲羅燒好出名嘅鋪頭，一入到嚟鋪頭就聽到日文歌，好有去咗日本嘅感覺海膽蟹味噌甲羅燒店員會幫你燒埋架，未燒之前就拎俾你打咗卡先，真係好貼心！燒完之後上枱即刻聞到好香，仲有梳打餅俾你配埋嚟食，我哋搽咗滿滿4塊餅仲有好多剩，可以用匙羹就咁不嚟食海膽炒飯炒飯入面除咗海膽，仲有三文魚，魷魚，帶子，蟹子等等好多海鮮，味道都幾好，不過個飯就有d濕，做唔到粒粒分明北海道海鮮丼刺身丼有海膽，吞拿魚，三文魚，帶子，白身魚，油甘魚，甜蝦，三文魚籽，蟹子等等，刺身切得唔薄都唔算太厚，味道新鮮，唔錯啦蟹油辣椒炒魷魚呢個味道似避風塘炒魷魚，用紅椒絲，炸蒜粒，洋蔥等等去炒，魷魚都好大條，我哋食哂魷魚仲忍唔住夾埋d洋蔥嚟食，因為真係好惹味呀三文魚牛油炒雜菌好用牛油味，雜菌有金菇，鴻喜菇，冬菇等等，炒得好嫩，不過三文魚炒得有少少乾巨峰梳打冇藥水味，夠味又唔係好甜，滿意！