有名堂

Open Now

Now Closed

早知小店夠大路，慶祝人哋住新屋。五月夜晚，一身塵俗。老細寸我仲識郁，墳場獻菊後果前因哭一哭。黃竹坑站，港鐵沿途無樹木，欠缺江湖一點綠。老友老友，難似當年紅梅谷。坐低叫茗茶，茶包款客太嚴肅。趁茶濁，想食肉，juicy最幸福。上菜神速。燒腩仔拼叉燒，味道好，份量唔啱大家族。招呼有阿叔。解釋今晚太靜局，南區街坊有天竺。朋友登陸，有人讚粥。粥底綿稠，材料足。例牌咕嚕肉，菠蘿很熱，豬肉竟凍，咩科目？酸酸甜甜無中伏。帶子蒸豆腐，情況微妙，乞兒三甲你角逐。帶子如紙薄，刀工我佩服。豆豉大大pat，人生六十有憾事，移民岳麓，前途難卜。乳鴿不識飛，兩隻一雙嘆孤獨。真心確唔錯，體形較執輸，size 縮。魚腩煲，夠肥沃，酷！怕多骨，我唔食，做監督。上菜心，淚簌簌。唔係牛羊吃草被放牧。灼得太熟。炒飯過咸，炒麵果腹。甜品壓軸，安歌神曲。菲林筒、薑汁糕、擂沙湯丸都精彩！破地獄！好彩當年有書讀。生徒諸君，重視教育。