袁記雲餃

Open Now

Now Closed

今日嚟到位於荃灣嘅袁記雲餃食飯，呢間餐廳係國內品牌，一共有成3000間分店咁多。餐廳其中一個好特別嘅地方，就係可以很餐廳入邊觀察到員工包餃子嘅情況，所以感覺好衛生。鮮蝦蟹籽雲吞麵鮮蝦雲吞好足料，蝦肉彈牙爽口，仲有唔少蟹籽。麵條方面，入口亦都好彈牙，唔會有好大浸鹼水味。牛腩腩湯麵牛腩份量都幾多，煮得夠入味，價錢亦都唔算貴。招牌煎餃餃子外皮煎得香脆，入邊有唔少韭菜，令到每一啖都有韭菜香。鮮榨玉米汁呢個玉米汁都幾特別，有清甜嘅粟米香，感覺都幾新鮮。除咗單點之外，仲有唔少套餐可以選擇，不過套餐嘅自由度就唔係太多，所以我今次都係單點。整體嚟講，餐廳嘅環境衛生，價錢亦都幾親民。