富華冰室 (電氣道) (Closed)

冰室算係好大間。佔左兩大個舖位。不過都要等。好彩等左一陣就有位。入面枱與枱之間距離充足。亦都夠冷氣。侍應們主動。態度都好友善。是日午餐有8個選擇。比一般冰餐選擇多。不過最後想食啲有湯嘅野。所以都係揀番特餐。呢間冰室啲野食普遍都係好大份。見到隔離食炒飯絕對夠兩個女仔食。特餐跟個炒蛋都比其他茶記冰室大份。炒得岩岩好。亦都有蛋香味自製餐包有誠意。唔係空氣包。有絲絲椰香味。肉丁米俾肉丁俾得好鬆手。米粉偏爽口。冰室除左自家製麵包。仲有自家製燒味。見到有人食四寶飯啲燒味堆到成座山咁高。下次再黎可以一試。