Video
Read full review
2023-12-01
154 views
係長洲睇完牙醫，坐慢船出返香港，打算行去旁邊嘅中環天星碼頭再坐船過對面尖咀，打的回家.女友小熊問我晚飯食咩好，第六感彈出 "炸雞"!一來啱啱睇完牙醫，最好緊係唔好食熱氣嘢啦，但更加大問題係..... 依照我地返屋企嘅路線，沿途根本無一間炸雞店，勉勉強強得星光行老麥炸雞，但我同小熊都唔打算再幫襯老麥囉! 所以哩個提意俾小熊好無情情咁 Reject 咗 >_<點知.... 行到天星碼頭，小熊突然好大反應! 原來..... 竟然係天星碼頭入口處開咗間炸雞店! 完全諗唔到會開間炸雞店! 店名叫 CHIMAC，係韓式炸雞店，結果當然係..... 二話不說俾錢幫襯啦!首先佢地嘅 menu 眼花撩亂! 對於我哩D老人家唔易睇得明.最後點咗原味有骨炸雞，蜂蜜牛油有骨炸雞，套餐配上薯條，再加薯蓉同牛油粟米.兩款炸雞同樣外層內軟，返到屋企開餐都仲有餘溫，只係比想像中 size 細咗D, 點解依家D雞總係變細?蜂蜜牛油味面層灑咗蜂蜜粉，令到D炸雞表層有甜味，牛油味返而唔強.薯條凍咗好難入口，所以最好馬上食先，薯條用上粗身，所以口感必然比老麥豐富.薯蓉比想像中幼滑，只係份量太少喇! 唔夠喉.每
女友小熊問我晚飯食咩好，第六感彈出 "炸雞"!
一來啱啱睇完牙醫，最好緊係唔好食熱氣嘢啦，但更加大問題係..... 依照我地返屋企嘅路線，沿途根本無一間炸雞店，勉勉強強得星光行老麥炸雞，但我同小熊都唔打算再幫襯老麥囉! 所以哩個提意俾小熊好無情情咁 Reject 咗 >_<
點知.... 行到天星碼頭，小熊突然好大反應! 原來..... 竟然係天星碼頭入口處開咗間炸雞店! 完全諗唔到會開間炸雞店! 店名叫 CHIMAC，係韓式炸雞店，結果當然係..... 二話不說俾錢幫襯啦!
首先佢地嘅 menu 眼花撩亂! 對於我哩D老人家唔易睇得明.
最後點咗原味有骨炸雞，蜂蜜牛油有骨炸雞，套餐配上薯條，再加薯蓉同牛油粟米.
兩款炸雞同樣外層內軟，返到屋企開餐都仲有餘溫，只係比想像中 size 細咗D, 點解依家D雞總係變細?
蜂蜜牛油味面層灑咗蜂蜜粉，令到D炸雞表層有甜味，牛油味返而唔強.
薯條凍咗好難入口，所以最好馬上食先，薯條用上粗身，所以口感必然比老麥豐富.
薯蓉比想像中幼滑，只係份量太少喇! 唔夠喉.
每次入長洲，都係行去天星碼頭坐船走，希望下次入長洲可以再嚟幫忙.
雖然第六感又中，唔多第六感嘅女友小熊又係果句...
"有咁啱得咁橋開口中啫!"
Post
