森記粉麵家

Open Now

Now Closed

行過餓餓地，見都算多人，諗住無死，即管試吓啦，入去坐低張枱同餐牌都已經唔太乾淨，心諗算啦麵檔係咁上下架啦，跟住嗌阿姐落單，叫咗3次先應，唔知聽唔到定點，阿姐終於都同我落單，叫咗碗牛腩米，1罐可樂，好快碗粉就嚟到，食咗2啖，嘩！頂呀！有硬嘢嘅，吐出嚟，頂你個肺鋼絲刷嚟嘅，我叫阿姐過嚟望吓，佢即刻話換過碗，嗰刻都已經唔想再食，好快就嚟咗第二碗，我先食啲牛腩先，唔香唔好味，極為一般，食一啖啲米粉，再撩一撩起啲米粉，頂！又係有鋼絲刷，其實有無換過架？算喇，唔想再食，起身埋單走人，我叫阿姐望下，又係有鋼絲刷，阿姐即刻叫老闆娘唔好收碗粉嘅錢，淨係收可樂好喇，老闆娘無出聲，一於少理照收我$42（即係收我碗粉嘅錢，請我飲可樂），我明嘅，做生意嘛，2碗牛腩粉成本都起碼$30，所以我都無出聲，找完錢走人，不過下次請都唔會嚟，唔係好味又唔乾淨！