樂天皇朝 (青衣城1)

Open Now

Now Closed

樂天皇朝開新分店，就在我附近的青衣城，今次見新出的榴槤小籠包，太吸引的甜品，約齊家人一齊食返餐。栗子炆花生也很入味粉綿，只係茶水不夠熱。除了新出的菜式，還有八款口味的小籠包、點心、涼菜、熱炒菜式、湯類、川菜、拉麵、甜品等，選擇多到要花點時間揀。李白醉雞 $78，酒香撲鼻，雞肉嫩滑又入味，有彈性加上酒味濃厚，連雞皮都好爽滑，平時唔食雞皮既我今次都食埋，而且份量也算多，頗抵食。原味小籠包 （6隻） $58，即點即製，再蒸熟上枱，夠唒熱辣辣。皮薄餡靚，湯汁滿滿一口一粒，肉鮮味濃又夠香，不用沾薑醋汁也一樣美味。竹筒剁椒魚片 $118，用竹筒上碟別具風格，味道估唔到都好有風味。剁椒令辣味與香味更突出，味道滲透入魚肉中，令魚肉更香辣惹味，加上魚片非常嫩滑，入口快要滑到喉嚨，最重要是不腥。話梅走油元蹄（半隻）$98，份量偏少，可能因為無骨，感覺細隻左，但味道很好，是令人更開胃的菜式。元蹄好易切開，煮得肉質鬆化腍軟，經走油的步驟令元蹄不膩，醬汁也加入話梅調味，令味道微酸開胃且清膩。連豬皮也不膩，帶有彈性的膠質感，味道令人難忘。水煮肥牛肉拉麵 $88，拉麵要快點食，因為較快變腍，牛肉份量頗多，而且肉質嫩