鳳城酒家 (Closed)

今晚我們去咗「鳳城酒家」喺太子店食晚飯！我們叫咗原燉鷄鮑翅、西蘭花炒帶子、滑蛋炒蝦仁、西芹腰果炒肉丁、鳳城炸粉果同蒜蓉炒豆苗！原燉鷄鮑翅嘅湯底比較淡，翅份量比較少，唔係想像中咁好，令我們有小小失望！西蘭花炒帶子嘅帶子好大粒，亦好鮮味！滑蛋炒蝦仁嘅炒蛋炒得相當嫩滑，蝦仁亦好大隻同好彈牙！鳳城炸粉果有兩種食法，有唔浸湯嘅好香脆可口，而浸湯嘅輕輕浸一浸，令到粉果變得軟腍腍，同埋吸收晒上湯嘅甜味！蒜蓉炒豆苗炒得唔太油膩同份量十足！